ദുബൈ: നെറ്റിസൺസിന്റെ ഇടയിൽ ചിരി പടർത്തി ഡൽഹിയിൽനിന്ന് ദുബൈയിലേക്കുള്ള എയർ ഇന്ത്യ വിമാനത്തിലെ ക്യാബിൻ ലോഗ്ബുക്കിന്റെ ഫോട്ടോ. ഇത് സമൂഹമാധ്യമങ്ങളിൽ വിമാനത്തിലെ ശുചിത്വത്തെക്കുറിച്ചുള്ള ചർച്ചയ്ക്കും തിരി കൊളുത്തി. വിമാനത്തിൽ കണ്ടെത്തിയ ജീവനുള്ള ഒരു പാറ്റയെ "മരണം വരെ തൂക്കിലേറ്റി" എന്ന് ഒരു ക്രൂ അംഗം ഔദ്യോഗികമായി രേഖപ്പെടുത്തിയതാണ് സംഭവം.

ALSO READ: വിപിഎൻ ഉപയോ​ഗത്തിൽ യുഎഇ ബഹുദൂരം മുന്നിൽ; രാജ്യത്ത് ഇത് നിയമവിരുദ്ധമോ? 

ഇന്ത്യയിലെ ഏറ്റവും തിരക്കേറിയ അന്താരാഷ്ട്ര റൂട്ടുകളിലൊന്നിൽ നടന്ന ഈ സംഭവം വിമാനത്തിലെ ശുചിത്വ നിലവാരത്തെക്കുറിച്ച് ചോദ്യങ്ങൾ ഉയർത്തുന്നുണ്ട്.

2025 ഒക്ടോബർ 24-നാണ് സംഭവം നടന്നത്. വിമാനത്തിന്റെ ഔദ്യോഗിക ക്യാബിൻ ലോഗ്ബുക്കിലാണ് ഈ അസാധാരണമായ കുറിപ്പ് രേഖപ്പെടുത്തിയിരിക്കുന്നത്. പറന്നുയർന്നതിന് തൊട്ടുപിന്നാലെ ഒരു യാത്രക്കാരനാണ് പ്രാണിയെ കണ്ടതെന്നാണ് റിപ്പോർട്ട്. ഒരു പാറ്റയെ ജീവനോടെ കണ്ടെത്തി, അതിനെ മരണം വരെ തൂക്കിലേറ്റി എന്നാണ് ക്രൂ അംഗം ബുക്കിൽ രേഖപ്പെടുത്തിയിരിക്കുന്നത്.

ALSO READ: ആശങ്കയിലായി യുഎഇയിലെ കേരള സിലബസ് വിദ്യാര്‍ഥികള്‍; അധ്യയനം ആരംഭിച്ച് 7 മാസം പിന്നിട്ടിട്ടും പുസ്തകങ്ങള്‍ എത്തിയില്ല 

കീടത്തെ നിർവീര്യമാക്കി എന്ന് രേഖപ്പെടുത്താനുള്ള ശ്രമമായാണ് ഈ വാചകം വിലയിരുത്തപ്പെടുന്നത്. വിമാനത്തിലെ വിനോദ സംവിധാനം പ്രവർത്തിക്കാത്തതും വാഷ്‌ബേസിൻ അടഞ്ഞുകിടക്കുന്നതും ഉൾപ്പെടെയുള്ള പതിവ് പരാതികൾക്കൊപ്പം ഈ കേസും ലോഗിൽ രേഖപ്പെടുത്തിയിട്ടുണ്ട്.

 

 

സോഷ്യൽ മീഡിയയിൽ ചിരിയും ട്രോളുകളും

കോക്ക്പിറ്റ് ലോഗ്ബുക്ക് എൻട്രിയുടെ ചിത്രം വ്യാപകമായി പ്രചരിച്ചതോടെ സോഷ്യൽ മീഡിയയിൽ രസകരമായ പ്രതികരണങ്ങളാണ് ഉയർന്നത്.

ALSO READ: ദുബൈയിലെ ഗതാഗത വികസനം: പ്രോപ്പർട്ടികളുടെ വിലയിൽ 16% വരെ വർധന; കൂടുതൽ വർധനവ് ഈ പ്രദേശങ്ങളിൽ 

"ഒരു പാറ്റയെ 'വധിക്കണോ' അതോ 'ചതച്ചുകളയണോ'?" എന്ന് ചില ഉപയോക്താക്കൾ ചോദിച്ചു. വെറും ഒരു ഷൂ മതിയായിരുന്നിട്ടും എയർലൈനിന് തൂക്കുമരം ആവശ്യമായി വന്നതെന്തിനാണെന്ന് മറ്റു ചിലർ പരിഹസിച്ചു.

സംഭവത്തെക്കുറിച്ചുള്ള പ്രതികരണത്തിനായി 'ഖലീജ് ടൈംസ്' എയർ ഇന്ത്യയുമായി ബന്ധപ്പെട്ടെങ്കിലും, റിപ്പോർട്ട് തയ്യാറാക്കുന്നതുവരെ എയർലൈൻ പ്രതികരിക്കാൻ തയ്യാറായില്ല. 

a live cockroach spotted in seat 17g by a passenger on air india flight 915 from delhi to dubai on october 24, 2025, prompted a cabin defect log entry reading "cockroach hanged until death." the photo exploded on social media, with netizens hailing the roach as "bhagat singh" and joking about tea bag strings and family handovers to catering. air india yet to comment.