തിരുവനന്തപുരം: വിഴിഞ്ഞം കരിച്ചയിൽ യുവതി കിണറ്റിൽ ചാടി ജീവനൊടുക്കി. യുവതിയെ രക്ഷിക്കാൻ ശ്രമിക്കുന്നതിനിടെ കിണറ്റിൽ ചാടിയ സഹോദരൻ ഗുരുതര പരുക്കുകളോടെ ആശുപത്രിയിൽ ചികിത്സയിലാണ്.

കരിച്ചയിൽ സ്വദേശിനി അർച്ചന ചന്ദ്ര (27) ആണ് മരിച്ചത്. ഇവരെ രക്ഷിക്കാൻ കിണറ്റിൽ ചാടിയ സഹോദരൻ ഭുവനചന്ദ്ര (21) യെയാണ് ഗുരുതര പരുക്കുകളോടെ തിരുവനന്തപുരത്തെ സ്വകാര്യ ആശുപത്രിയിൽ പ്രവേശിപ്പിച്ചത്. വൈകുന്നേരം ആറ് മണിയോടെയായിരുന്നു സംഭവം. കുടുംബ വഴക്കാണ് പ്രശ്‌നങ്ങൾക്ക് കാരണമെന്നാണ് പ്രാഥമിക നിഗമനം

വിഴിഞ്ഞം, പൂവാർ എന്നിവിടങ്ങളിൽ നിന്നുള്ള അഗ്നിരക്ഷാ സേനാംഗങ്ങൾ സ്ഥലത്തെത്തിയാണ് ഇരുവരെയും കിണറ്റിൽ നിന്നും പുറത്തെടുത്തത്. ഉടൻ തന്നെ ആശുപത്രിയിൽ എത്തിച്ചെങ്കിലും അർച്ചനയുടെ ജീവൻ രക്ഷിക്കാനായില്ല. അർച്ചനയുടെ മൃതദേഹം തിരുവനന്തപുരം മെഡിക്കൽ കോളേജ് ആശുപത്രിയിലേക്ക് മാറ്റി. അർച്ചനയ്ക്ക് രണ്ട് മക്കളുണ്ട്. സംഭവത്തിൽ വിഴിഞ്ഞം പൊലിസ് കേസെടുത്ത് അന്വേഷണം ആരംഭിച്ചു.

A tragic incident occurred in Vizhinjam, Thiruvananthapuram, where a young woman reportedly died by suicide after jumping into a well.

The situation was aggravated when her brother attempted to rescue her but ended up being trapped or sustaining severe injuries himself. He was immediately rushed to the hospital and is currently reported to be in a critical condition. Local authorities and rescue teams were mobilised to retrieve both individuals and investigate the circumstances surrounding the event.