ഈറോഡ്: തമിഴ്‌നാട്ടിലെ ഈറോഡ് ജങ്ഷനിലാണ് സംഭവം. ഓടുന്ന ട്രെയിനില്‍ കയറാന്‍ ശ്രമിക്കുന്നതിനിടെ പിടിവിട്ട് വീണ യാത്രക്കാരിയെ റെയില്‍വേ പ്രൊട്ടക്ഷന്‍ ഫോഴ്‌സ് (ആര്‍പിഎഫ്) ജീവനക്കാരന്‍ അതിസാഹസികമായി രക്ഷപ്പെടുത്തുകയാണ്.

സംഭവത്തിന്റെ സിസിടിവി ദൃശ്യങ്ങള്‍ റെയില്‍വേ മന്ത്രാലയം അവരുടെ ഔദ്യോഗിക എക്‌സ് ഹാന്‍ഡില്‍ പങ്കിടുകയും ചെയ്തു.  ഉദ്യോഗസ്ഥന്റെ സമയോചിതമായ നടപടിയെ റെയില്‍വേ മന്ത്രാലയം പ്രശംസിക്കുകയും  ചെയ്തു.

വിഡിയോ ദൃശ്യങ്ങളില്‍ പ്ലാറ്റ്‌ഫോമില്‍ നിന്നു പുറപ്പെട്ട ഒരു ട്രെയിനില്‍ ചാടിക്കയറാന്‍ ശ്രമിക്കുന്ന ഒരു യുവതിയെയാണ് കാണുന്നത്. പെട്ടെന്ന് അവര്‍ കാല്‍ വഴുതി ട്രെയിനിനും റെയില്‍വേ പ്ലാറ്റ്‌ഫോമിനും ഇടയിലേക്ക് വീണുപോകുന്നു.

ഈ സമയത്ത് പ്ലാറ്റ്‌ഫോമിലൂടെ നടന്നു വരുകയായിരുന്ന ആര്‍പിഎഫ് ഉദ്യോഗസ്ഥന്റെ പെട്ടെന്നുള്ള ഇടപെടല്‍ രക്ഷയായി. ഓടിയെത്തിയ ഇദ്ദേഹം യുവതിയെ സുരക്ഷിതമായ സ്ഥലത്തേക്ക് വലിച്ച് മാറ്റുന്നതാണ് വിഡിയോയില്‍ കാണുന്നത്.

യഥാര്‍ത്ഥ നായകന്‍

വിഡിയോ ക്ലിപ്പ് സമൂഹ മാധ്യമങ്ങളില്‍ വൈറലായതോടെ ആയിരക്കണക്കിന് ആളുകള്‍ ആര്‍പിഎഫ് ഉദ്യോഗസ്ഥന്റെ മനസ്സാന്നിധ്യത്തെയും വേഗത്തിലുള്ള പ്രതികരണത്തെയും പ്രശംസിച്ചു. റെയില്‍വേ അപകടങ്ങള്‍ തടയുന്നതില്‍ സേനയുടെ ജാഗ്രത എത്രത്തോളം നിര്‍ണായകമാണെന്ന് ഒരിക്കല്‍ കൂടി തെളിയിക്കുകയാണ് ഈ സംഭവം.

 നിരവധി ഉപയോക്താക്കള്‍ അദ്ദേഹത്തെ 'യഥാര്‍ത്ഥ ജീവിതത്തിലെ നായകന്‍' എന്ന് വിശേഷിപ്പിച്ചു. ഈ ഉദ്യോഗസ്ഥന്റെ പേരോ മറ്റ് വിവരങ്ങളോ സമൂഹ മാധ്യമ പോസ്റ്റില്‍ വ്യക്തമാക്കിയിട്ടില്ല.

ALSO READ: നെടുമ്പാശേരി വിമാനത്താവളത്തില്‍ നിന്ന് വിമാനമിറങ്ങിയ യുവാവില്‍ നിന്ന് പിടിച്ചെടുത്തത് 6.5 കോടിയുടെ ഹൈബ്രിഡ് കഞ്ചാവ്

അപകടങ്ങള്‍ തുടര്‍ക്കഥ 
യാത്രക്കാര്‍ ഓടുന്ന ട്രെയിനുകളില്‍ കയറാനോ അതില്‍ നിന്ന് ചാടാനോ ശ്രമിക്കുമ്പോള്‍ ഉണ്ടാകുന്ന അപകടങ്ങളുമായി ബന്ധപ്പെട്ട നിരവധി സംഭവങ്ങളാണ് സമീപകാലത്ത് റിപ്പോര്‍ട്ട് ചെയ്യപ്പെട്ടിരിക്കുന്നത്.

ഓരോ അപകടങ്ങള്‍ സംഭവിക്കുമ്പോഴും യാത്രക്കാര്‍ സുരക്ഷാ മുന്‍കരുതലുകള്‍ സ്വീകരിക്കണമെന്നും ജാഗ്രത പാലിക്കണമെന്നും റെയില്‍വേ മന്ത്രാലയം ഓര്‍മിപ്പിക്കാറുണ്ടെങ്കിലും വീണ്ടും വീണ്ടും അപകടങ്ങള്‍ തുടര്‍ക്കഥയാവുകയാണ്.

ഈ സംഭവത്തിന് പിന്നാലെയും റെയില്‍വേ മന്ത്രാലയം യാത്രക്കാരോട് ഓടിക്കൊണ്ടിരിക്കുന്ന ട്രെയിനില്‍ കയറുകയോ ഇറങ്ങുകയോ ചെയ്യരുതെന്ന് വീണ്ടും ആവശ്യപ്പെടുന്നുണ്ട്.

At Erode Junction in Tamil Nadu, a Railway Protection Force (RPF) officer performed a heroic rescue after a woman fell between a moving train and the platform while trying to board it. CCTV footage of the incident, shared by the Ministry of Railways on its official X handle, shows the woman slipping as she attempts to jump onto the departing train. The alert RPF officer, who happened to be nearby, rushed forward and pulled her to safety just in time, preventing a possible tragedy.The Ministry praised the officer’s quick and courageous action, calling him the “real hero.”