കൊച്ചി: കൊച്ചിയിൽ ഓടിക്കൊണ്ടിരുന്ന കാർ കത്തി. കൊച്ചി എടത്തല എൻഡിക്ക് അടുത്തായി കുഴിക്കാട്ടുകര ജുമാമസ്ജിദിന് മുന്നിലാണ് അപകടം നടന്നത്. ഇന്ന് രാത്രിയോടെയാണ് അപകടം സംഭവിച്ചത്. സംഭവത്തിൽ കാർ പൂർണമായും കത്തി നശിച്ചു. നേവിയുടെ ആയുധ സംഭരണശാലക്ക് സമീപമാണ് അപകടം നടന്നത്. 

കാറിൽ നിന്നും പുക വരുന്നത് കണ്ട ബൈക്ക് യാത്രക്കാർ ഉടനെ തന്നെ ശ്രദ്ധയിൽപ്പെടുത്തുകയായിരുന്നു. ബൈക്ക് യാത്രക്കാർ പറഞ്ഞ ഉടനെ തന്നെ കാറിൽ ഉണ്ടായ ആളുകൾ പുറത്തിറങ്ങുകയായിരുന്നു. ഇതിന് പിന്നാലെ കാറിൽ നിന്നും വലിയ തോതിൽ തീ ഉയരുകയായിരുന്നു. സംഭവ സ്ഥലത്ത് ഫയർ ഫോഴ്സ് എത്തിയാണ് തീയണച്ചത്.