കുവൈത്ത് സിറ്റി: വെള്ളിയാഴ്ച പുലർച്ചെ കുവൈത്ത് അന്താരാഷ്ട്ര വിമാനത്താവളത്തിൽ ചെറിയൊരു അപകടം ഉണ്ടായതായി ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ അറിയിച്ചു. 284 യാത്രക്കാരുമായി ഫിലിപ്പീൻസിലേക്ക് പോകാനൊരുങ്ങിയ കുവൈത്ത് എയർവേയ്‌സ് വിമാനമാണ് അപകടത്തിൽപെട്ടത്. 

പുലർച്ചെ 4:24-ന് KU417 വിമാനം ടേക്ക് ഓഫിനായി ഒരുങ്ങുന്നതിനിടെയാണ് സംഭവം നടന്നതെന്ന് അതോറിറ്റിയുടെ വക്താവ് അബ്ദുള്ള അൽ രാജ്ഹി അറിയിച്ചു. അതേസമയം, സംഭവത്തിൽ ആർക്കും പരുക്കുകളില്ല.

ALSO READ: നിയമലംഘകർക്ക് പിടിവീഴും; ബിസിനസ് സെന്ററുകളിലെ തട്ടിപ്പുകൾ തടയാൻ യുഎഇയിൽ പുതിയ നിയമങ്ങൾ

വിമാനം ടാർമാക്കിലൂടെ നീങ്ങുമ്പോൾ ബ്രേക്കിംഗ് സിസ്റ്റത്തിലുണ്ടായ പെട്ടെന്നുള്ള സാങ്കേതിക തകരാറാണ് അപകടത്തിന് കാരണമെന്ന് അൽ രാജ്ഹി വ്യക്തമാക്കി. അതേസമയം, വിമാനത്തിന്റെ പുറംഭാഗത്ത് (ഫ്യൂസലേജ്) മാത്രമാണ് കേടുപാടുകൾ സംഭവിച്ചത്.

സാങ്കേതിക സംഘങ്ങൾ ഉടൻ സ്ഥലത്തെത്തി സുരക്ഷ ഉറപ്പാക്കുകയും ആവശ്യമായ പരിശോധനകൾ നടത്തുകയും ചെയ്തു. യാത്രക്കാർക്കായി ഫിലിപ്പീൻസിലേക്ക് മറ്റൊരു വിമാനം ഏർപ്പെടുത്തി. ഈ വിമാനം ഉച്ചയ്ക്ക് 12:20-ന് ഫിലിപ്പീൻസിലേക്ക് പുറപ്പെട്ടു.

യാത്രക്കാരുടെയും ജീവനക്കാരുടെയും സുരക്ഷയാണ് സിവിൽ ഏവിയേഷൻ അതോറിറ്റിയുടെയും കുവൈത്ത് എയർവേയ്‌സിന്റെയും പ്രധാന പരി​ഗണനയെന്ന് അൽ രാജ്ഹി വ്യക്തമാക്കി. ഇത്തരം സംഭവങ്ങൾ അന്താരാഷ്ട്ര വ്യോമയാന സുരക്ഷാ മാനദണ്ഡങ്ങൾ പൂർണ്ണമായും പാലിച്ചാണ് കൈകാര്യം ചെയ്യുന്നതെന്നും അദ്ദേഹം പറഞ്ഞു. 

A Kuwait Airways flight, carrying 284 passengers, was involved in a minor incident at Kuwait International Airport early on Friday. The plane, bound for the Philippines, experienced an issue while preparing for departure. Details of the incident are still emerging, and authorities have not released further information.