ദുബൈ: ഗതാഗത ചരിത്രത്തിൽ നാഴികക്കല്ലായേക്കാവുന്ന നേട്ടം കൈവരിച്ച് ദുബൈ. മനുഷ്യനെ വഹിച്ചുള്ള ഏരിയൽ ടാക്സി വിമാനത്തിന്റെ ആദ്യത്തെ ഇലക്ട്രിക് വെർട്ടിക്കൽ ടേക്ക്-ഓഫ് ആൻഡ് ലാൻഡിംഗ് (eVTOL) ദുബൈയിൽ വെച്ച് നടന്നു. മാർഗാമിൽ നിന്ന് പറന്നുയർന്ന വിമാനം അൽ മക്തൂം അന്താരാഷ്ട്ര വിമാനത്താവളത്തിലാണ് (DWC) സുരക്ഷിതമായി ലാൻഡ് ചെയ്തത്.

ALSO READ: അ​ഗ്നിശമന സേന എത്തുന്നതിന് മുന്നേ തീ നിയന്ത്രണ വിധേയമാക്കി; യുവാക്കളെ ആദരിച്ച് ഷാർജ പൊലിസ്

പദ്ധതികൾ വിലയിരുത്തി കിരീടാവകാശി

ദുബൈ കിരീടാവകാശിയും എക്സിക്യൂട്ടീവ് കൗൺസിൽ ചെയർമാനുമായ ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം, റോഡ് ശൃംഖല, പൊതുഗതാഗത സംവിധാനങ്ങൾ, ഏരിയൽ ടാക്സി സേവനങ്ങൾ എന്നിവ മെച്ചപ്പെടുത്തുന്നതിനായുള്ള അടിസ്ഥാന സൗകര്യ പദ്ധതികളുടെ പുരോഗതി വിലയിരുത്തി. ആർ‌ടി‌എ ഡയറക്ടർ ജനറൽ മതാർ അൽ തായർ ഏരിയൽ ടാക്സി പദ്ധതിയുടെ പുരോഗതി ഷെയ്ഖ് ഹംദാന് വിശദീകരിച്ചു നൽകി. ജോബി ഏവിയേഷൻ ഇൻകോർപ്പറേറ്റഡാണ് ദുബൈയിൽ ഈ പദ്ധതിയുടെ പ്രവർത്തന പരീക്ഷണങ്ങൾ നടത്തുന്നത്.

നഗരപ്രദേശങ്ങളിലേക്കുള്ള പരീക്ഷണ പറക്കലുകൾ ഉൾപ്പെടുത്തി ഏരിയൽ ടാക്സി പരീക്ഷണത്തിന്റെ വ്യാപ്തി വർദ്ധിപ്പിക്കുന്നതിൽ ഈ നേട്ടം നിർണായകമാകുമെന്നാണ് കണക്കുകൂട്ടുന്നത്. ജനറൽ സിവിൽ ഏവിയേഷൻ അതോറിറ്റിയുമായും ദുബൈ സിവിൽ ഏവിയേഷൻ അതോറിറ്റിയുമായും സഹകരിച്ച് 2026-ൽ യാത്രാ ഗതാഗത സേവനങ്ങൾ ആരംഭിക്കുന്നതിന് ഈ പരീക്ഷണ വിജയം വഴിയൊരുക്കും.

അത്യാധുനിക ടാക്സിയുടെ സവിശേഷതകൾ

• പരിസ്ഥിതി സൗഹൃദം: പൂർണ്ണമായും വൈദ്യുതിയിൽ പ്രവർത്തിക്കുന്നതും പരിസ്ഥിതി സൗഹൃദവുമാണ് ഈ ഏരിയൽ ടാക്സി.
• വേഗതയും കാര്യശേഷിയും: ആറ് പ്രൊപ്പല്ലറുകളും നാല് ബാറ്ററി പായ്ക്കുകളും ഇതിലുണ്ട്. ഇതിന് മണിക്കൂറിൽ 320 കിലോമീറ്റർ വേഗതയിൽ സഞ്ചരിക്കാനാകും.
• പൈലറ്റിന് പുറമേ നാല് യാത്രക്കാരെ വരെ വഹിക്കാൻ ഈ വിമാനത്തിന് സാധിക്കും.

ALSO READ: ഈദ് അൽ ഇത്തിഹാദ്: നവംബർ 27 മുതൽ ഡിസംബർ 3 വരെ യുഎഇയിൽ ആഘോഷക്കാലം; ഡിസംബർ 2 ന് രാജ്യമെങ്ങും കരിമരുന്ന് പ്രദർശനവും പരേഡുകളും 

ഏരിയൽ ടാക്സി ലാൻഡിംഗ് കേന്ദ്രങ്ങളായ 'വെർട്ടിപോർട്ടുകളുടെ' നിർമ്മാണ പുരോഗതിയെക്കുറിച്ചും ഷെയ്ഖ് ഹംദാനെ അറിയിച്ചു. ദുബൈ ഇന്റർനാഷണൽ എയർപോർട്ടിന് (DXB) സമീപം 3,100 ചതുരശ്ര മീറ്റർ വിസ്തൃതിയിൽ നാല് നിലകളിലായാണ് ആദ്യത്തെ വെർട്ടിപ്പോൾ നിർമ്മിക്കുന്നത്. ഇതിൽ വാഹനങ്ങൾ പാർക്ക് ചെയ്യാനായി രണ്ട് നിലകളും ടേക്ക് ഓഫിനും ലാൻഡിംഗിനുമായി രണ്ട് പാഡുകളും ഉൾപ്പെടും. 

dubai has achieved a major milestone in transportation innovation with the successful test flight of an air taxi traveling at 320 kmph. the trial marks a step forward in futuristic urban mobility, aiming to reduce traffic congestion and transform city travel.