തിരുവനന്തപുരം: ശബരിമല സ്വര്‍ണക്കൊള്ള കേസുമായി ബന്ധപ്പെട്ട് യൂട്യൂബ് വീഡിയോ അപ്ലോഡ് ചെയ്ത സംഭവത്തില്‍ കെ.എം ഷാജഹാനെതിരെ കേസെടുത്ത് പൊലിസ്. എസ്. ശ്രീജിത്ത് ഐ.പി.എസിനെ പരാതിയിലാണ് മ്യൂസിയം പൊലിസ് കേസെടുത്തത്. ശബരിമല സ്വര്‍ണക്കൊള്ളയില്‍ പൊലിസ്  സേനയ്ക്കും പങ്കുണ്ടെന്ന തെറ്റായ പ്രസ്താവന നടത്തിയെന്നാണ് എഫ്.ഐ.ആറില്‍ പറയുന്നത്. 

എസ് ശ്രീജിത്ത് ശബരിമല ചീഫ് പൊലിസ് കോ-ഓര്‍ഡിനേറ്ററായിരുന്ന സമയത്താണ് തട്ടിപ്പ് നടന്നതെന്നും ഇതില്‍ പൊലിസിന് പങ്കുണ്ടെന്നും ഷാജഹാന്‍ വീഡിയോയില്‍ ആരോപിക്കുന്നതായി പരാതിയില്‍ പറയുന്നു. 2025 ഒക്ടോബര്‍ 22 മുതല്‍ നവംബര്‍ 23 വരെയുള്ള ദിവസങ്ങളിലാണ് വീഡിയോ അപ്ലോഡ് ചെയ്തിരിക്കുന്നത്. പ്രസ്തുത വീഡിയോ മ്യൂസിയം പൊലിസ് വിശദമായി പരിശോധിച്ചതിന് ശേഷമാണ് കേസെടുത്തത്. 

Kerala Police file case against K.M. Shajahan for alleged false claims in a YouTube video on the Sabarimala gold smuggling case based on a complaint by IPS officer S. Sreejith.