കല്‍പ്പറ്റ: പറമ്പില്‍ കോഴി കയറിയതിന് വൃദ്ധദമ്പതികളുടെ കൈകള്‍ ഇരുമ്പു വടി കൊണ്ട് തല്ലിയൊടിച്ചു അയല്‍വാസി. ഇയാള്‍ കേസില്‍ പിടിയിലായി. കമ്പളക്കാട് പൊലിസ് സ്റ്റേഷന്‍ പരിധിയിലെ പള്ളിക്കുന്ന് ചുണ്ടക്കര തെക്കേപീടികയില്‍ ടി കെ തോമസിനെയാണ് (58) പിടികൂടിയത്.

ഹെല്‍മെറ്റ് കൊണ്ടടിച്ചു ഒരാളെ പരിക്കേല്‍പ്പിച്ച മറ്റൊരു കേസിലും തോമസ് പ്രതിയാണെന്നും പൊലിസ് അറിയിച്ചു. സംഭവ ശേഷം ഒളിവിലായിരുന്ന ഇയാളെ വെള്ളിയാഴ്ച രാവിലെ കല്‍പ്പറ്റയില്‍ നിന്നാണ് പിടികൂടുന്നത്. കഴിഞ്ഞ 24ാം തിയതിയാണ് ലാന്‍സി തോമസ് -അമ്മിണി ദമ്പതികളുടെ വീട്ടില്‍ അതിക്രമിച്ചു കയറിയ ടി.കെ തോമസ് ഇരുമ്പ് വടി ഉപയോഗിച്ച് മാരകമായി ഇവരെ ആക്രമിച്ചത്.

ലാന്‍സി തോമസിന്റെ ഇരു കൈകളുടെ എല്ലും പൊട്ടി. തടയാന്‍ ശ്രമിച്ച ഭാര്യയുടെ വലതു കൈയുടെ എല്ലും പൊട്ടി ഗുരുതരമായി പരിക്കേല്‍ക്കുകയായിരുന്നു. ആദ്യം ലാന്‍സിയെ ആണ് ആക്രമിച്ചത്. അടി കൈകൊണ്ട് തടഞ്ഞപ്പോഴാണ് കൈയൊടിഞ്ഞത്. അമ്മിണിയെ ആക്രമിക്കുന്നത് തടഞ്ഞപ്പോള്‍ ലാന്‍സിയുടെ രണ്ടാമത്തെ കൈയും ഒടിയുകയായിരുന്നു. അമ്മിണിയുടെ തലയ്ക്കും കൈയ്ക്കും കാലിനും പരിക്കേറ്റിട്ടുണ്ട്.

ഇരുവരും ചികിത്സയില്‍ തുടരുകയാണ്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു. എസ്എച്ച്ഒ എം.എ സന്തോഷിന്റെ നേതൃത്വത്തില്‍ സബ് ഇന്‍സ്‌പെക്ടര്‍മാരായ ജിഷ്ണു, റോയ്, അസി. സബ് ഇന്‍സ്‌പെക്ടര്‍മാരായ ഇബ്രാഹിം, ദീപ, സിവില്‍ പൊലിസ് ഓഫിസര്‍മാരായ ശിഹാബ്, സിറാജ്, നിഷാദ്, കൃഷ്ണദാസ് എന്നിവരടങ്ങുന്ന സംഘമാണ് പ്രതിയെ പിടികൂടിയത്.

An elderly couple in Pallikkunnu, under the Kambalakkad police station limits in Kalpetta, was brutally assaulted by their neighbor, T.K. Thomas (58). The attack occurred after a dispute over a chicken entering the neighbor’s yard. Thomas allegedly entered the house of Lancy Thomas and his wife Ammini on the 24th and attacked them with an iron rod. Lancy sustained fractures in both hands, while Ammini suffered severe injuries including a fracture in her right hand and wounds to her head, hands, and legs. Thomas, who had been absconding after the incident, was arrested in Kalpetta on Friday. Police also reported that he is an accused in another case involving assaulting a man with a helmet.