അർജന്റൈൻ ഇതിഹാസം ലയണൽ മെസിയെ പ്രശംസിച്ച് മുൻ അർജന്റീന താരം സെർജിയോ അഗ്യൂറോ. മെസി ബാഴ്‌സലോണയുടെ ചരിത്രത്തിലെ ഏറ്റവും മികച്ച താരമാണെന്നും ബാഴ്‌സയിലെ മെസിയുടെ അധ്യായങ്ങൾ അവസാനിച്ചിട്ടില്ലെന്നുമാണ് അഗ്യൂറോ പറഞ്ഞത്. ഗോളിന് നൽകിയ അഭിമുഖത്തിലാണ് മുൻ അർജന്റീന ഇക്കാര്യം പറഞ്ഞത്.  

''ബാഴ്സലോണയുടെ ചരിത്രത്തിലെ ഏറ്റവും പ്രധാനപ്പെട്ട താരമാണ് മെസി. അദ്ദേഹം ആ ക്ലബ്ബിന്റെയും നഗരത്തിന്റെയും ഇതിഹാസമാണ്. ബാഴ്സലോണയെന്നാൽ മെസിയാണ്. ക്യാമ്പ് നൗവിൽ വീണ്ടും തിരിച്ചെത്തിയത് അദ്ദേഹം ആസ്വദിച്ചുവെന്ന് ഞാൻ കരുതുന്നു. ബാഴ്സയിലെ അദ്ദേഹത്തിന്റെ അദ്ധ്യായം അവസാനിച്ചിട്ടില്ലെന്ന് ഞാൻ കരുതുന്നു'' സെർജിയോ അഗ്യൂറോ പറഞ്ഞു. 

ബാഴ്‌സലോണയിൽ പന്തുതട്ടിയാണ് മെസി ഇതിഹാസമായി മാറിയത്. 2021ലാണ് മെസി ബാഴ്സലോണക്കൊപ്പമുള്ള തന്റെ ഐതിഹാസികമായ കരിയർ അവസാനിപ്പിച്ചുകൊണ്ട് പിഎസ്ജിയിലേക്ക് കൂടുമാറിയത്. സാമ്പത്തിക പ്രശ്നങ്ങൾ കാരണം കരാർ പുതുക്കാൻ കഴിയാത്തതിന് പിന്നാലെയാണ് മെസി ബാഴ്സ വിടാൻ നിർബന്ധിതനായത്. ബാഴ്സലോണക്കായി 778 മത്സരങ്ങളിൽ നിന്നും 672 ഗോളുകളും 303 അസിസ്റ്റുകളും ആണ് മെസി നേടിയിട്ടുള്ളത്.

പിഎസ്ജിയിൽ രണ്ട് സീസണിൽ ബൂട്ട് കെട്ടിയ മെസി 2023ൽ ഇന്റർ മയാമിയിലേക്കും ചേക്കേറി. മെസിയുടെ വരവിനു പിന്നാലെ മേജർ ലീഗ് സോക്കറിന് കൃത്യമായ ഒരു മേൽവിലാസം ഉണ്ടാക്കിയെടുക്കാൻ സാധിച്ചിരുന്നു. മെസിയുടെ വരവോടെ ഇന്റർ മയാമി ലീഗിൽ മിന്നും പ്രകടനമായിരുന്നു മയാമി നടത്തിയിരുന്നത്. ക്ലബ്ബിന്റെ ചരിത്രത്തിൽ ഇതുവരെ ഇല്ലാതിരുന്ന ലീഗ്‌സ് കപ്പ് കിരീടവും മെസിയുടെ നേതൃത്വത്തിൽ ആണ് മയാമി സ്വന്തമാക്കിയത്. 

Former Argentina star Sergio Aguero has praised Argentine legend Lionel Messi. Aguero said that Messi is the best player in Barcelona's history and that Messi's chapter at Barca is not over.