ദുബൈ: അബ്ദുല്‍ വാഹിദ് അല്‍ റുസ്തമാനി ഗ്രൂപ്പും അദ്ദേഹത്തിന്റെ പേരക്കുട്ടികളും നല്‍കിയ ഉദാര സംഭാവനയിലൂടെ അല്‍ ബര്‍ഷ സൗത്ത്2ല്‍ നിര്‍മിച്ച 'സംസം' പള്ളി വിശ്വാസികള്‍ക്കായി തുറന്നു കൊടുത്തു. ദുബൈ ഇസ്‌ലാമിക് അഫയേഴ്‌സ് ആന്‍ഡ് ചാരിറ്റബിള്‍ ആക്റ്റിവിറ്റീസ് ഡിപാര്‍ട്‌മെന്റാണ് (ഐ.എ.സി.എ.ഡി ഔഖാഫ്) ഇതിന്റെ ഉദ്ഘാടനം നിര്‍വഹിച്ചത്. ഇസ്‌ലാമിക വാസ്തു വിദ്യയുടെ പ്രൗഢിയും ആധുനിക ശൈലിയും ഒത്തു ചേരുന്ന മനോഹരമായ നിര്‍മാണമാണ് പള്ളിയുടേത്. ഒരേസമയം 850 പേര്‍ക്ക് ഇവിടെ നിസ്‌കരിക്കാന്‍ സൗകര്യമുണ്ട്. പ്രധാന ഹാള്‍, ആകര്‍ഷക മിനാരങ്ങള്‍, വരാന്ത എന്നിവയ്ക്ക് പുറമെ ഇമാം, മുഅദ്ദിന്‍ എന്നിവര്‍ക്കായി പ്രത്യേക താമസ സൗകര്യവും പള്ളി സമുച്ചയത്തിലുണ്ട്. ഭിന്ന ശേഷിക്കാര്‍ക്കും പ്രായമായവര്‍ക്കും തടസ്സങ്ങളില്ലാതെ പള്ളിയില്‍ പ്രവേശിക്കാന്‍ റാംപുകള്‍ ഉള്‍പ്പെടെയുള്ള പ്രത്യേക ക്രമീകരണങ്ങള്‍ ചെയ്തിട്ടുണ്ട് എന്നതും ശ്രദ്ധേയമാണ്. വിശാലമായ പാര്‍ക്കിങ് സൗകര്യമുള്ള പള്ളി അല്‍ ബര്‍ഷയിലെയും സമീപ പ്രദേശങ്ങളിലെയും താമസക്കാര്‍ക്ക് വലിയ അനുഗ്രഹമാകും.
ദുബൈയുടെ പരിസ്ഥിതി നയങ്ങള്‍ക്കനുസൃതമായി ഊര്‍ജ ഉപയോഗം കുറയ്ക്കുന്ന എല്‍.ഇ.ഡി ലൈറ്റുകളും അത്യാധുനിക സൗണ്ട്എ.സി സംവിധാനങ്ങളുമാണ് ഇവിടെ ക്രമീകരിച്ചിരിക്കുന്നത്.

ALSO READ: ഒമാനില്‍ മുന്‍ മലയാളി അധ്യാപകന്‍ അന്തരിച്ചു

Summary: The 'Zamzam' Mosque, located in Al Barsha South 2, was officially opened to the public by the Dubai Islamic Affairs and Charitable Activities Department (IACAD). The mosque was constructed through the generous contributions of the Abdul Wahid Al Rostamani Group and his grandchildren.