റിയാദ്: ഹൃദയാഘാതത്തെ തുടര്‍ന്ന് പ്രവാസി മലയാളി റിയാദില്‍ അന്തരിച്ചു. കോഴിക്കോട് കാരപറമ്പ് കണകോവില്‍താഴം വളാശ്ശേരി നജ്മുദ്ദീന്‍ (52) ആണ് മരിച്ചത്. ശാരീരിക അസ്വസ്ഥതകളെത്തുടര്‍ന്ന് കഴിഞ്ഞ രണ്ട് ദിവസമായി ആശുപത്രിയില്‍ ചികിത്സയിലായിരുന്നു. ചികിത്സക്കിടെ നില വഷളാകുകയും മരിക്കുകയുമായിരുന്നു.
പരേതരായ രായിന്‍ ഹാജിയുടെയും സുബൈതയുടെയും മകനാണ്.
ഭാര്യ: ഖദീജ. ഷുഹൈബ് നിഹാല്‍ (ദുബൈ), നാഫി അദ്‌നാന്‍, അഹമ്മദ് റയ്യാന്‍ എന്നിവരാണ് മക്കള്‍.
മൃതദേഹം നാട്ടിലെത്തിക്കുന്നതിനുള്ള നടപടികള്‍ റിയാദ് കെ.എം.സി.സി വെല്‍ഫെയര്‍ വിങ്ങിന്റെ നേതൃത്വത്തില്‍ പുരോഗമിക്കുന്നു. റഫീഖ് പുല്ലൂര്‍ (ചെയര്‍മാന്‍, റിയാദ് കെ.എം.സി.സി വെല്‍ഫെയര്‍ വിങ്), റിയാസ് തിരൂര്‍ക്കാട് (ജനറല്‍ കണ്‍വീനര്‍, മലപ്പുറം ജില്ലാ കെ.എം.സി.സി വെല്‍ഫെയര്‍ വിങ്), ജാഫര്‍ ജുനൈദ് താനൂര്‍, റാഷിദ് ദയ, ഷുക്കൂര്‍ കോഴിക്കോട് എന്നിവരുടെ നേതൃത്വത്തില്‍ ആണ് നടന്നുവരുന്നത്. 
മയ്യിത്ത് നാട്ടിലെത്തിച്ച് മറവ് ചെയ്യും.

ALSO READ: ഒമാനില്‍ മുന്‍ മലയാളി അധ്യാപകന്‍ അന്തരിച്ചു

English Summary: Najmuddin Valassery (52), a native of Karaparamba, Kozhikode, passed away in Riyadh following a heart attack. He had been undergoingt reatment at a local hospital for the past two days after experiencing physical discomfort. Unfortunately, his condition worsened, leading to his demise. He was the son of the late Rayin Haji and Subeitha.