കാസർകോട്: ജില്ലാ കളക്ടർ കെ. ഇമ്പശേഖറിൻ്റെ പേരിൽ വ്യാജ വാട്‌സ്ആപ്പ് അക്കൗണ്ട് ഉണ്ടാക്കി പണം തട്ടാൻ ശ്രമം നടക്കുന്നതായി അധികൃതർ. വിയറ്റ്നാമിലെ ഫോൺ നമ്പർ ഉപയോഗിച്ചാണ് തട്ടിപ്പുകാർ കളക്ടറുടെ പേരും ചിത്രവും ദുരുപയോഗം ചെയ്ത് അക്കൗണ്ട് നിർമിച്ചിരിക്കുന്നത്. ഈ വ്യാജ വാട്‌സ്ആപ്പ് അക്കൗണ്ടിൽ നിന്ന് നിരവധി പേർക്ക് പണം ആവശ്യപ്പെട്ടുകൊണ്ടുള്ള സന്ദേശങ്ങൾ ലഭിച്ചതോടെയാണ് സംഭവം പുറത്തറിയുന്നത്. ജില്ലാ കളക്ടറുടെ പേരിലാണ് ഇവർ സാമ്പത്തിക സഹായം അഭ്യർത്ഥിക്കുന്നത്.

ALSO READ: കേരളത്തിൽ എസ്ഐആർ ഫോം വിതരണം പൂർത്തിയാക്കാൻ ഇനി അഞ്ച് ദിവസം മാത്രം; തെരഞ്ഞെടുപ്പ് കമ്മിഷൻ വിളിച്ചുചേർത്ത യോഗത്തിൽ പരാതി പ്രവാഹം

സംഭവത്തിൻ്റെ പശ്ചാത്തലത്തിൽ പൊതുജനങ്ങൾ അതീവ ജാഗ്രത പാലിക്കണമെന്ന് ജില്ലാ കളക്ടർ കെ. ഇമ്പശേഖർ അറിയിച്ചു. ഇത്തരത്തിൽ പണം ആവശ്യപ്പെട്ടുകൊണ്ട് സന്ദേശങ്ങൾ ലഭിച്ചാൽ ഉടൻ തന്നെ ബന്ധപ്പെട്ട അധികൃതരെ അറിയിക്കണമെന്നും കളക്ടർ നിർദേശിച്ചു. തട്ടിപ്പിനെതിരെ നിയമനടപടികൾ ആരംഭിച്ചിട്ടുണ്ട്.

ALSO READ: തദ്ദേശ തിരഞ്ഞെടുപ്പ്: ഉമ്മയും മകനും ഒരേ ചിഹ്നത്തിൽ ജനവിധി തേടുന്നു

പ്രധാന നിർദേശങ്ങൾ

കളക്ടറുടെ പേരിലോ മറ്റ് ഉദ്യോഗസ്ഥരുടെ പേരുകളിലോ പണം ആവശ്യപ്പെട്ടുള്ള സന്ദേശങ്ങൾ ലഭിച്ചാൽ ഉടൻ അത് തള്ളിക്കളയുക.

സംശയകരമായ സാഹചര്യങ്ങളിൽ അക്കൗണ്ടുമായി ബന്ധപ്പെടുകയോ പണം കൈമാറുകയോ ചെയ്യരുത്.

ഇത്തരം തട്ടിപ്പ് ശ്രമങ്ങൾ ശ്രദ്ധയിൽപ്പെട്ടാൽ പോലീസിലോ സൈബർ സെല്ലിലോ പരാതി നൽകുക.

A fake WhatsApp account has been created in the name of the Kasaragod District Collector, K. Imbasekar, using a Vietnamese phone number. Messages requesting money have been sent to several people. The District Collector has advised the public to be vigilant against this fraudulent attempt.