കൊല്ലം: തദ്ദേശ സ്വയംഭരണ തിരഞ്ഞെടുപ്പിൽ ഇത്തവണ ബന്ധുക്കൾ സ്ഥാനാർഥികളാകുന്ന നിരവധി കാഴ്ചകളാണ് കേരളം കാണുന്നത്. ഭാര്യയും ഭർത്താവും, നാത്തൂൻമാർ, അമ്മാവനും മരുമകനും, അമ്മയും മകളും എന്നിങ്ങനെ മത്സരിക്കുന്നവരുടെ നിര നീളുകയാണ്. അതിനോടൊപ്പം ശ്രദ്ധേയമാവുകയാണ് കൊല്ലം ജില്ലയിലെ ഒരുമ്മയും മകനും. ബീന നാസിമുദ്ദീൻ ലബ്ബയും മകൻ ഫൈസൽ കുളപ്പാടവുമാണ് ഒരേ സമയം ജനവിധി തേടുന്നത്. മാതാവ് പഞ്ചായത്തിലേക്കും മകൻ ജില്ലാ പഞ്ചായത്തിലേക്കും കൈപ്പത്തി ചിഹ്നത്തിൽ മത്സരിക്കുന്നു എന്നതാണ് ഈ വാർത്തയുടെ പ്രത്യേകത.

ALSO READ: കേരളത്തിൽ എസ്ഐആർ ഫോം വിതരണം പൂർത്തിയാക്കാൻ ഇനി അഞ്ച് ദിവസം മാത്രം; തെരഞ്ഞെടുപ്പ് കമ്മിഷൻ വിളിച്ചുചേർത്ത യോഗത്തിൽ പരാതി പ്രവാഹം

ആദ്യം സ്ഥാനാർത്ഥിത്വം ഉറപ്പിച്ച് പ്രചാരണത്തിന് തുടക്കമിട്ടത് ബീനയാണ്. നെടുമ്പന ഗ്രാമപഞ്ചായത്തിലെ 19-ാം വാർഡിലാണ് ബീന മത്സരിക്കുന്നത്. പിന്നാലെയാണ് മകൻ ഫൈസലിനും നറുക്കുവീണത്. ജില്ലാ പഞ്ചായത്ത് നെടുമ്പന ഡിവിഷനിലാണ് ഫൈസൽ ജനവിധി തേടുന്നത്.

ALSO READ: കാസർകോട് ജില്ലാ കളക്ടറുടെ പേരിൽ വ്യാജ വാട്‌സ്ആപ്പ് അക്കൗണ്ട്; പണം തട്ടാൻ ശ്രമം, ജാഗ്രത പാലിക്കാൻ നിർദേശം

സ്ഥാനാർഥി നിർണ്ണയത്തിൽ ഇരുവർക്കും പരിചയസമ്പത്ത് മുതൽക്കൂട്ടായുണ്ട്. ബീന മുൻപ് പഞ്ചായത്ത് അംഗമായി പ്രവർത്തിച്ചിട്ടുണ്ട്. കഴിഞ്ഞ തവണ മത്സരരംഗത്ത് നിന്ന് വിട്ടുനിന്നെങ്കിലും ഇത്തവണ വീണ്ടും സജീവമായി. മകൻ ഫൈസൽ നിലവിൽ ബ്ലോക്ക് പഞ്ചായത്ത് മെമ്പറാണ്. അനുഭവസമ്പന്നരായ ഉമ്മയും മകനും ഒരുമിച്ച് തിരഞ്ഞെടുപ്പ് ഗോദയിൽ ഇറങ്ങുമ്പോൾ കൊല്ലം ജില്ലയിലെ പോരാട്ടം കൂടുതൽ ശ്രദ്ധേയമാവുകയാണ്.

Kerala Local Polls 2025: Mother-Son Duo Contest in Kollam; Congress Fields Beena Nasiruddin and Faisal Kulappadam. Kollam, Nedumpana, Kollam District Panchayat, Kerala, Kerala Local Body Elections. Beena Nasimuddin Labba, Faisal Kulappadom, Mother and Son Candidates, Election Local Body Polls, Panchayat Election, District Panchayat Election, Candidates, Political Contest, Election News.