ഗസ്സ സിറ്റി: രണ്ടു വര്‍ഷം പിന്നിട്ടിരിക്കുന്നു. ഗസ്സ എന്ന കുഞ്ഞു ദേശത്തിന് മേല്‍ ഇസ്‌റാഈല്‍ മരണ മഴ പെയ്യിച്ചു തുടങ്ങിയിട്ട്. ഗര്‍ഭസ്ഥ ശിശുക്കള്‍ മുതല്‍ വയോധികര്‍ വരെ...70,000 ത്തിലേറെ മനുഷ്യരെയാണ് ഇക്കാലയളവില്‍ ഇസ്‌റാഈല്‍ ഗസ്സയില്‍ കൊന്നൊടുക്കിയത്. 2023 ഒക്‌ടോബര്‍ മുതല്‍ ഗസ്സയില്‍ ഇസ്‌റാഈല്‍ തുടരുന്ന വംശഹത്യയില്‍ സണിസ്റ്റ് സൈന്യം കൊന്നൊടുക്കിയ ഫലസ്തീനികളുടെ എണ്ണം 70,100 ആയതായി ഗസ്സ ആരോഗ്യ മന്ത്രാലയം പറയുന്നു. സ്ത്രീകളും കുഞ്ഞുങ്ങളുമാണ് കൊല്ലപ്പെട്ടവരില്‍ ഭൂരിഭാഗവും. രണ്ടു വര്‍ഷത്തിലേറെ നീണ്ട ആക്രമണങ്ങളില്‍ ,70,9000 ത്തിലേറെ പേര്‍ക്ക് പരുക്കേറ്റതായും ആരോഗ്യ മന്ത്രാലയം പുറത്തുവിട്ട കണക്കുകളില്‍ പറയുന്നു. 

അതേസമയം, ഇത് യഥാര്‍ത്ഥ കണക്കുകളാവില്ലെന്ന് ബന്ധപ്പെട്ടവര്‍ പറയുന്നു. തകര്‍ന്ന കെട്ടിടാവശിഷ്ടങ്ങള്‍ക്കടിയില്‍നിന്ന് ഇപ്പോഴും നിരവധി മൃതദേഹങ്ങളാണ് രക്ഷാപ്രവര്‍ത്തകര്‍ പുറത്തെടുക്കുന്നത്. 

ഒക്‌ടോബര്‍ പത്തിന് പ്രാബല്യത്തില്‍ വന്ന വെടിനിര്‍ത്തല്‍ കരാര്‍ ലംഘിച്ചും ഇസ്‌റാഈല്‍ ആക്രമണം തുടരുകയാണ്. ആക്രമണങ്ങളില്‍ 360ല്‍ അധികം പേരാണ് കൊല്ലപ്പെട്ടത്. കിഴക്കന്‍ ഖാന്‍ യൂനുസിലെ ബനീ സുഹൈലയില്‍ ഇന്നലെ ഇസ്‌റാഈല്‍ നടത്തിയ ഡ്രോണ്‍ ആക്രമണത്തില്‍ രണ്ട് കുഞ്ഞുങ്ങള്‍ കൊല്ലപ്പെട്ടു. റഫയിലും മൂന്നുപേരെ ഇസ്‌റാഈല്‍ വധിച്ചു.  യെല്ലോ ലൈന്‍ മറികടന്ന് സൈന്യത്തിന് ഭീഷണി ഉയര്‍ത്തിയവരെയാണ് കൊലപ്പെടുത്തിയതെന്നാണ് സൈന്യം ചെയ്തിയെ ന്യായീകരിക്കുന്നത്.  

ALSO READ: യുക്രെയ്ൻ-റഷ്യ യുദ്ധം അവസാനിപ്പിക്കാൻ യുഎസിലേക്ക് യുക്രെയ്ൻ പ്രതിനിധി സംഘം; സെലെൻസ്കിയുടെ പ്രതീക്ഷകൾ

ഗസ്സയുടെ വിവിധ ഭാഗങ്ങളിലായി ഇസ്‌റാഈല്‍ വ്യോമാക്രമണവും നടത്തി. അധിനിവിഷ്ട വെസ്റ്റ് ബാങ്കിലും ഇസ്‌റാഈല്‍ അതിക്രമങ്ങള്‍ക്ക് ഒരു മാറ്റവുമില്ല. വെസ്റ്റ് ബാങ്കിലെ ഗവര്‍ണറേറ്റായ തുബാസില്‍ ഇസ്‌റാഈല്‍ സൈന്യം നടത്തിയ ആക്രമണങ്ങളില്‍ ഇതിനകം 200 ലധികം ഫലസ്തീനികള്‍ക്കാണ് പരിക്കേറ്റത്. കഴിഞ്ഞ നാലു ദിവസത്തിനുള്ളില്‍ തുബയില്‍ നിന്ന് മാത്രം സൈന്യം 200 ഫലസ്തീനികളെയെങ്കിലും കസ്റ്റഡിയിലെടുത്തു. ഖല്‍ഖില്യ, ജെനിന്‍, നബുലസ് എന്നിവിടങ്ങളിലും ഇസ്‌റാഈല്‍ റെയ്ഡ് നടത്തി നിരവധി പേരെ കസ്റ്റഡിയിലെടുത്തു.

ALSO READ: സമ്പദ്‌വ്യവസ്ഥയെ രക്ഷിക്കാൻ റഷ്യ കരുതൽ സ്വർണം വിൽക്കുന്നു; ചരിത്രത്തിലാദ്യമായി കേന്ദ്രബാങ്കിന്റെ നിർബന്ധിത നീക്കം

ശനിയാഴ്ച രാവിലെ അല്‍-ഫറാബി സ്‌കൂളിന് സമീപം ഒരു കൂട്ടം സാധാരണക്കാരുടെ നേരെ ഡ്രോണ്‍ ബോംബ് വര്‍ഷിക്കുകയും രണ്ട് പേര്‍ കൊല്ലപ്പെടുകയും ചെയ്തിട്ടുണ്ട്.  ജുമ, ഫാദി തമര്‍ അബു അസി എന്നീ രണ്ട് സഹോദരന്മാരാണ് കൊല്ലപ്പെട്ടതെന്ന് ദൃക്സാക്ഷികള്‍ അല്‍ ജസീറയോട് പറഞ്ഞു.

ഗുരുതരമായ പരുക്കുകളോടെ രണ്ട് ആണ്‍കുട്ടികളെയും ഖാന്‍ യൂനിസിലെ നാസര്‍ മെഡിക്കല്‍ കോംപ്ലക്‌സിലേക്ക് കൊണ്ടുപോവുകയും അവിടെ വെച്ച് അവര്‍ മരിച്ചതായി പ്രഖ്യാപിക്കുകയുമായിരുന്നുവെന്ന് മെഡിക്കല്‍ വൃത്തങ്ങള്‍ പറഞ്ഞു.

reports allege that more than 70,000 people have been killed in gaza over the past two years, with accusations that israeli forces continued strikes even during periods of ceasefire. learn more about the ongoing conflict and humanitarian concerns.