പുണെ: നിസ്സാരമായ തർക്കത്തെ തുടർന്ന് യുവതിയെ കൊലപ്പെടുത്തിയ ശേഷം യുവാവ് ജീവനൊടുക്കി. പുണെയിലെ പ്രശസ്തമായ റൂബി ഹാൾ ക്ലിനിക്കിലെ ജീവനക്കാരാണ് മരിച്ചത്. ഇരുവരുടെയും മൃതദേഹങ്ങൾ പിന്നീട് കണ്ടെത്തി. മഹാരാഷ്ട്രയിലെ ബീഡ് സ്വദേശിയായ 21 വയസ്സുള്ള ടെക്നീഷ്യൻ ഗണേഷ് കാലെയും (21) നഴ്‌സായ ദിവ്യ നിഗോട്ടും (20) ആണ് മരിച്ചത്. ഇരുവരും റൂബി ഹാൾ ക്ലിനിക്കിലെ സഹപ്രവർത്തകരായിരുന്നു.

ദിവ്യ നിഗോട്ടിനെ കാണാനില്ലെന്ന് കാണിച്ച് കുടുംബം പൊലിസിൽ പരാതി നൽകിയിരുന്നു. തുടർന്ന് നടത്തിയ അന്വേഷണത്തിലാണ് ഞെട്ടിക്കുന്ന വിവരം പുറത്തുവന്നത്. ഗണേഷ് കാലെയുടെ സംഗംവാഡിയിലുള്ള വീട്ടിൽ വെച്ച് ദിവ്യയുടെ മൃതദേഹം കണ്ടെത്തുകയായിരുന്നു.

ALSO READ: പ്രണയബന്ധത്തിൽ നിന്ന് പിന്മാറാത്ത കാമുകനെ വെടിവെച്ച് കൊന്നു; മൃതദേഹത്തെ വിവാഹം ചെയ്ത് പ്രതികാരം തീർത്ത് കാമുകി

ദിവ്യയുടെ കൊലപാതകത്തിന് പിന്നാലെ ഗണേഷ് കാലെ ആത്മഹത്യ ചെയ്തു. തലേഗാവ് റെയിൽവേ ട്രാക്കിന് സമീപത്ത് നിന്നാണ് ഗണേഷിന്റെ മൃതദേഹം കണ്ടെത്തിയത്. ദിവ്യയുടെ മൂക്കിലും മുഖത്തും ആക്രമിക്കപ്പെട്ടതിൻ്റെ പാടുകൾ ഉണ്ടായിരുന്നതായി പൊലിസ് അറിയിച്ചു. ഇരുവരുടെയും മൃതദേഹങ്ങൾ പോസ്റ്റ്‌മോർട്ടത്തിനായി അയച്ചിട്ടുണ്ട്. സംഭവത്തെക്കുറിച്ച് കൂടുതൽ അന്വേഷണം നടത്തിവരികയാണെന്ന് പൊലിസ് വ്യക്തമാക്കി.

A minor disagreement escalated violently, resulting in a murder-suicide. A man killed a woman, and subsequently took his own life.