മംഗളൂരു: ഗര്‍ഭിണിയായ ഭാര്യയെയും അതിഥികളെയും ഞെട്ടിക്കാന്‍ ആകാശത്തുനിന്ന് പുഷ്പവൃഷ്ടി നടത്തി ഒരു ഭര്‍ത്താവ്. മംഗളൂരുവിലെ അഡയാര്‍ ഗാര്‍ഡനില്‍ നടന്ന വര്‍ണാഭമായ ബേബി ഷവര്‍ ചടങ്ങാണ് ഇപ്പോള്‍ സോഷ്യല്‍ മീഡിയയില്‍ തരംഗമാകുന്നത്. പ്രമുഖ സംരംഭകനായ പ്രകാശാണ് തന്റെ ഭാര്യയ്ക്കായി ഹെലികോപ്റ്റര്‍ വാടകയ്‌ക്കെടുത്ത് ഈ വേറിട്ട ആഘോഷം സംഘടിപ്പിച്ചത്.

ചടങ്ങുകള്‍ക്കായി ഭാര്യ വേദിയിലേക്ക് പ്രവേശിച്ച നിമിഷം അപ്രതീക്ഷിതമായാണ് മുകളില്‍ നിന്നും പുഷ്പദളങ്ങള്‍ പറന്നിറങ്ങിയത്. ആകാശത്ത് ഹെലികോപ്റ്റര്‍ വട്ടമിട്ടു പറന്ന് പൂക്കള്‍ വര്‍ഷിച്ചതോടെ അതിഥികളും ഭാര്യയും ഒരുപോലെ അമ്പരന്നു. വന്‍ കരഘോഷങ്ങളോടെയാണ് സദസ്സ് ഈ നിമിഷത്തെ വരവേറ്റത്. മംഗളൂരുവില്‍ ഇത്തരമൊരു ആഘോഷം ഇതാദ്യമായാണെന്നാണ് ദൃക്‌സാക്ഷികള്‍ പറയുന്നത്.

ALSO READ: ഷോപ്പിങ്ങിന്റെ മറവില്‍ മോഷണം; വാരാണസിയില്‍ അടിവസ്ത്രങ്ങളുമായി മൂന്ന് സ്ത്രീകള്‍ മുങ്ങി- വിഡിയോ വൈറല്‍

ഫോണുകളില്‍ പകര്‍ത്തിയ പുഷ്പവൃഷ്ടിയുടെ ദൃശ്യങ്ങള്‍ നിമിഷനേരം കൊണ്ടാണ് ഇന്റര്‍നെറ്റില്‍ വ്യാപിച്ചത്. ദമ്പതികള്‍ക്ക് മുകളില്‍ പൂമഴ പെയ്യുന്നതും അത് കണ്ട് അത്ഭുതപ്പെട്ട് ഭാര്യ ആകാശത്തേക്ക് നോക്കുന്നതും വിഡിയോയില്‍ കാണാം. 'എന്തിലും ഒരു വെറൈറ്റി' ആഗ്രഹിക്കുന്ന പുതുതലമുറയ്ക്ക് ഈ ആഘോഷം വലിയൊരു കൗതുകമായി മാറിയിരിക്കുകയാണ്.

In a grand gesture that has gone viral, a Mangaluru-based entrepreneur surprised his pregnant wife by arranging a helicopter to shower flower petals during her baby shower ceremony.