ന്യൂഡല്‍ഹി: പ്രതീക്ഷകള്‍ തെറ്റിക്കാതെ റിപ്പോ നിരക്ക് വീണ്ടും കുറച്ച് റിസര്‍വ് ബാങ്ക്. റിപ്പോ നിരക്ക് 25 ബിപിഎസാണ് കുറച്ചത്. റിസര്‍വ് ബാങ്ക് ഗവര്‍ണര്‍ സഞ്ജയ് മല്‍ഹോത്രയുടെ നേതൃത്വത്തിലുള്ള റിസര്‍വ് ബാങ്കിന്റെ മോണിറ്ററി പോളിസി കമ്മിറ്റി യോഗത്തിന് ശേഷമാണ് റിപ്പോ 5.25 ശതമാനത്തിലേക്ക് കുറച്ചത്. പണപ്പെരുപ്പം താഴ്ന്ന നിലയിലെത്തിയതോടെയാണ് ആര്‍ബിഐ പലിശ നിരക്ക് കുറച്ചത്.

റിപ്പോ നിരക്ക് കുറഞ്ഞതിനാല്‍ അടുത്ത 2 മാസത്തേക്ക് ഭവന, വാഹന, വ്യക്തിഗത വായ്പകളുടെ പലിശ നിരക്കില്‍ കുറവുണ്ടാകും. വായ്പകളുടെ പ്രതിമാസ തിരിച്ചടവോ(ഇ.എം.ഐ) തിരിച്ചടവു കാലയവോ കുറയാന്‍ സാധ്യതയുണ്ട്. 

പണപ്പെരുപ്പം കുറയുന്നത് കണക്കിലെടുത്ത് ജൂണില്‍ എം.പി.സി നേരത്തെ പ്രധാന വായ്പാ നിരക്ക് 6% ല്‍ നിന്ന് 5.5% ആയി കുറച്ചിരുന്നു.

പ്രധാന തീരുമാനങ്ങള്‍

റിപ്പോ നിരക്കിന് പുറമേ, എംപിസി സ്റ്റാന്‍ഡിംഗ് ഡെപ്പോസിറ്റ് ഫെസിലിറ്റി (എസ്ഡിഎഫ്) 5% ആയും മാര്‍ജിനല്‍ സ്റ്റാന്‍ഡിംഗ് ഫെസിലിറ്റി (എംഎസ്എഫ്) 5.5% ആയും ക്രമീകരിച്ചു.

ഓപ്പണ്‍ മാര്‍ക്കറ്റ് ഓപ്പറേഷന്‍സ് (ഒഎംഒ) ലേലത്തിലൂടെ ഒരു ലക്ഷം കോടി രൂപയുടെ ബോണ്ടുകള്‍ വാങ്ങാനും തീരുമാനമെടുത്തിട്ടുണ്ട്.

RBI cuts repo rate by 0.25% to 5.25%. Home, car and personal loan EMIs likely to fall. Know who benefits from the latest monetary policy decisions.