ഇന്ത്യൻ ഇതിഹാസ നായകൻ എംഎസ് ധോണിയെ പ്രശംസിച്ച് മുൻ ഇന്ത്യൻ താരം മുരളി വിജയ്. ധോണി ഒരു തലമുറയിൽ ഒരിക്കൽ മാത്രം കണ്ടുവരുന്ന താരമാണെന്നാണ് മുരളി വിജയ് പറഞ്ഞത്. 2007 ടി-20 ലോകകപ്പ് ഫൈനലിൽ ജോഗീന്ദർ ശർമയ്ക്ക് ഓവർ നൽകിയ ധോണിയുടെ തീരുമാനമാണ് ലോകകപ്പ് നേടാൻ സഹായിച്ചതെന്നും മുരളി വിജയ് വ്യക്തമാക്കി. തരുവാർ കോഹ്‌ലിയുടെ യുട്യൂബ് ചാനലിലൂടെ സംസാരിക്കുകയായിരുന്നു മുൻ ഇന്ത്യൻ താരം. 

''ധോണി ഒരു തലമുറയിൽ ഒരിക്കൽ മാത്രം കണ്ടുവരുന്ന ക്രിക്കറ്റ് താരമാണ്. അദ്ദേഹം തികച്ചും അവിശ്വസനീയമാണ്. അദ്ദേഹം കളിക്കളത്തിൽ ചെയ്യുന്ന കാര്യങ്ങൾ പകർത്താനായി ആർക്കും തന്നെ സാധിക്കില്ല. അദ്ദേഹത്തിന്റെ കരുത്ത്, മത്സരങ്ങൾ നിയന്ത്രിച്ച രീതി, സിക്‌സറുകൾ നേടാനുള്ള കഴിവ് ഇതെല്ലം ചുരുക്കം ചില താരങ്ങൾക്ക്ക് മാത്രം കഴിയുന്നതാണ്. 2007ലെ ഫൈനലിൽ അവസാന ഓവർ ജോഗീന്ദർ ശർമയ്ക്ക് നൽകിയത് യുക്തിസഹമായി തോന്നിയിരിക്കില്ല.  ഹർഭജൻ സിങ്ങിന് ഒരു ഓവർ ബാക്കിയുള്ളപ്പോൾ അദ്ദേഹം ആ ധീരമായ നീക്കം നമുക്ക് ലോകകപ്പ് നേടിത്തന്നു. അദ്ദേഹം നമ്മുടെ രാജ്യത്ത് ജനിച്ചതിൽ നാമെല്ലാവരും അഭിമാനിക്കണം'' മുരളി വിജയ് പറഞ്ഞു. 

ഐപിഎല്ലിൽ ചെന്നൈ സൂപ്പർ കിങ്സിൽ ധോണിയുടെ കീഴിൽ കളിച്ചതിന്റെ അനുഭവത്തെക്കുറിച്ചും മുരളി വിജയ് സംസാരിച്ചു. 

''എംഎസ് ഞങ്ങൾക്ക് ഒരുപാട് റോളുകൾ നൽകി. എനിക്ക് അത് റൺസ് നേടുന്നതിനെകുറിച്ചാണ്. അല്ലെങ്കിൽ ഞാൻ ടീമിൽ നിന്നും പുറത്താവുമായിരുന്നു. മാത്യു ഹെയ്ഡൻ, മുത്തയ്യ മുരളീധരൻ എന്നീ ഇതിഹാസങ്ങൾക്കൊപ്പം കളിക്കുന്നത് വലിയ അവസരമായിരുന്നു. തനിക്ക് എന്താണ് വേണ്ടതെന്ന് അദ്ദേഹത്തിന് കൃത്യമായി അറിയാമായിരുന്നു. ടീമിന്റെ ഭാഗമായത് അവിശ്വസനീയമായ ഒരു അനുഭവമായിരുന്നു'' മുരളി വിജയ് കൂട്ടിച്ചേർത്തു. 

Former Indian cricketer Murali Vijay has praised Indian legend MS Dhoni. Murali Vijay said that Dhoni is a once-in-a-generation player. Murali Vijay also said that Dhoni's decision to give the over to Joginder Sharma in the 2007 T20 World Cup final helped India win the World Cup.