തിരുവനന്തപുരം:  കേരള കോണ്‍ഗ്രസ് മാണി ഗ്രൂപ്പിനെ ക്ഷണിച്ച് കോണ്‍ഗ്രസ്. യു.ഡി.എഫ് വിട്ടു പോയവര്‍ ചിന്തിക്കണമെന്നും മടക്കത്തിന് ഇതാണ് സമയമെന്നും കേരള കോണ്‍ഗ്രസ് എമ്മിനോട് കെ.പി.സി.സി അധ്യക്ഷന്‍ സണ്ണി ജോസഫ്. അന്‍വര്‍ - യുഡിഎഫ് ബന്ധം ഉറപ്പിച്ചു. അന്‍വറിനെ മുന്നണിയില്‍ എടുക്കുന്നതില്‍ ഇനി സാങ്കേതികത്വം മാത്രമാണുള്ളത്. അന്‍വറിന്റെ പാര്‍ട്ടി യുഡിഎഫിന്റെ അസോഷ്യേറ്റ് അംഗമാകും. അന്തിമ പ്രഖ്യാപനം ഉടന്‍ ഉണ്ടാകുമെന്നും സണ്ണി ജോസഫ് പറഞ്ഞു.

യു.ഡി.എഫിലേക്ക് തിരിച്ചുവരുന്നതില്‍ തീരുമാനം എടുക്കേണ്ടത് കേരള കോണ്‍ഗ്രസാണ്. കോഴിക്കോട് ചെറിയ നോട്ടപിശക് സംഭവിച്ചു. അതേസമയം, കൊല്ലം അത്ഭുതപ്പെടുത്തിയെന്നും സണ്ണി ജോസഫ് പറഞ്ഞു. 

ALSO READ: ദീപ്തി, ഷൈനി, മിനിമോൾ ; ആരാകും മേയർ? കൊച്ചിയിൽ സസ്പെൻസ്

നിയമസഭാ തെരഞ്ഞെടുപ്പ് ഒരുക്കത്തില്‍ യു.ഡി.എഫിന് അമിത ആത്മവിശ്വാസമില്ല. മത്സരങ്ങളില്‍ അമിത ആത്മവിശ്വാസം പാടില്ലെന്നും  കൂടുതല്‍ ശ്രദ്ധ വേണമെന്നും വിശ്രമത്തിന് സമയമില്ലെന്നും അദ്ദേഹം വ്യക്തമാക്കി. 

ആര്‍ക്കെതിരെയും ഞങ്ങള്‍ കതക് അടച്ചിട്ടില്ലെന്ന് തിരുവഞ്ചൂര്‍ രാധാകൃഷ്ണനും പ്രതികരിച്ചു. കേരള കോണ്‍ഗ്രസ് (എം) യു.ഡി.എഫിന് ഒപ്പം ചേരണമെന്നാണ് ആഗ്രഹം. ജനാധിപത്യശക്തികളുടെ കേന്ദ്രീകരണമാണ് വേണ്ടത്. ജനഹിതം അറിഞ്ഞ് പോസിറ്റീവ് പൊളിറ്റിക്‌സിനെ സ്വീകരിക്കണം. യു.ഡി.എഫ് ദുര്‍ബലമായതു കൊണ്ടല്ല കേരള കോണ്‍ഗ്രസിനെ ക്ഷണിക്കുന്നത്. മുന്നണി ശക്തമാണെന്നും തിരുവഞ്ചൂര്‍ രാധാകൃഷ്ണന്‍ പറഞ്ഞു.

The Congress party has extended an invitation to the Kerala Congress (M) to return to the United Democratic Front (UDF), stating that this is the right time for those who left the alliance to reconsider. KPCC president Sunny Joseph said the decision to rejoin rests with Kerala Congress (M).