ദുബൈ: യുഎഇയിലെ സ്കൂൾ പ്രവേശനത്തിനായി കാത്തിരിക്കുന്ന രക്ഷിതാക്കൾക്ക് വലിയ ആശ്വാസമായി പുതിയ പ്രായപരിധി നിയമം പ്രഖ്യാപിച്ചു. 2026-2027 അധ്യയന വർഷം മുതലാണ് പുതിയ മാറ്റം നിലവിൽ വരിക. നേരത്തെ ഓഗസ്റ്റ് 31 വരെ പ്രായം കണക്കാക്കിയിരുന്ന സ്ഥാനത്ത് ഇനി മുതൽ ഡിസംബർ 31 വരെ പ്രായം കണക്കാക്കാം എന്നതാണ് പ്രധാന മാറ്റം. ഇതിലൂടെ വർഷാവസാനം ജനിച്ച കുട്ടികൾക്ക് ഒരു വർഷം നഷ്ടപ്പെടാതെ തന്നെ സ്കൂളിൽ ചേരാൻ സാധിക്കും.

ALSO READ: ദുബൈ മെട്രോ ബ്ലൂ ലൈൻ: 2029-ൽ യാഥാർത്ഥ്യമാകും; നിർമ്മാണത്തിനായി 3500-ലധികം ജീവനക്കാർ 

എന്താണ് പുതിയ മാറ്റം?

സെപ്റ്റംബറിൽ ക്ലാസുകൾ തുടങ്ങുന്ന സ്കൂളുകളിൽ പ്രവേശനം ലഭിക്കാൻ ആ വർഷം ഡിസംബർ 31-നകം കുട്ടിക്ക് നിശ്ചിത പ്രായം തികഞ്ഞാൽ മതിയാകും. ഓഗസ്റ്റ് അല്ലെങ്കിൽ സെപ്റ്റംബറിൽ അധ്യയന വർഷം ആരംഭിക്കുന്ന ബ്രിട്ടീഷ്, അമേരിക്കൻ പാഠ്യപദ്ധതികൾ പിന്തുടരുന്ന സ്കൂളുകൾക്ക് ഇത് ബാധകമാകും. ഏപ്രിലിൽ ക്ലാസുകൾ തുടങ്ങുന്ന ഇന്ത്യൻ സ്കൂളുകൾ നിലവിലുള്ള മാർച്ച് 31 എന്ന കട്ട്-ഓഫ് തന്നെ തുടരും. ഇപ്പോൾ സ്കൂളിൽ പഠിച്ചുകൊണ്ടിരിക്കുന്ന കുട്ടികളെ ഈ മാറ്റം ബാധിക്കില്ല. പുതിയതായി ചേരുന്നവർക്ക് മാത്രമാകും ഇത് ബാധകമാവുക.

പുതിയ പ്രായപരിധി ഒറ്റനോട്ടത്തിൽ

എന്തുകൊണ്ട് ഈ മാറ്റം?

വർഷാവസാനം ജനിച്ച കുട്ടികളുടെ രക്ഷിതാക്കൾ നേരിട്ടിരുന്ന വലിയൊരു പരാതി പരിഹരിക്കാനാണ് സർക്കാർ ഈ തീരുമാനമെടുത്തിരിക്കുന്നത്. 39,000 കുട്ടികളിൽ നടത്തിയ പഠനത്തിൽ, കുറഞ്ഞ പ്രായത്തിൽ സ്കൂളിൽ ചേരുന്നത് കുട്ടികളുടെ പഠനത്തെ ബാധിക്കില്ലെന്ന് നേരത്തേ കണ്ടെത്തിയിരുന്നു. 

പലപ്പോഴും ഒക്ടോബർ, നവംബർ മാസങ്ങളിൽ ജനിച്ച കുട്ടികൾക്ക് പ്രവേശനത്തിനായി ഒരു വർഷം മുഴുവൻ കാത്തിരിക്കേണ്ടി വന്നിരുന്നു. പുതിയ നിയമം വഴി എല്ലാ കുട്ടികൾക്കും തുല്യമായ അവസരം ഉറപ്പാക്കാൻ വിദ്യാഭ്യാസ മന്ത്രാലയത്തിന് സാധിക്കും.

വിദേശത്ത് നിന്ന് യുഎഇയിലേക്ക് വരുന്ന കുട്ടികൾക്കും മറ്റ് സ്കൂളുകളിലേക്ക് മാറുന്നവർക്കും അവരുടെ മുൻപത്തെ പഠനനിലവാരം കൂടി പരിഗണിച്ച് പ്രവേശനം നൽകുന്നതാണ്.

uae school admission age rules have been revised ending long waits for parents. the new policy clarifies minimum age criteria for school entry this academic year helping families plan admissions early and avoid confusion across private and public schools nationwide under updated education guidelines announced by authorities recently in uae