തളിപ്പറമ്പ് : റോഡ് സുരക്ഷ സംബന്ധിച്ച് വാഹനമോടിക്കുന്നവരെയും ജനങ്ങളെയും ബോധവല്‍ക്കരിക്കുന്നതിനും, പയ്യന്നൂര്‍-തളിപ്പറമ്പ് ദേശീയപാതയിലെ അപകടങ്ങള്‍ കുറയ്ക്കുന്നതിനായി അധികാരികളുടെ അടിയന്തിര ശ്രദ്ധയുണ്ടാകുന്നതിനുമായി ഇന്ന് വൈകുന്നേരം നാലുമണിക്ക് ദേശീയപാതയില്‍ പരിയാരം മെഡിക്കല്‍ കോളജിനു സമീപം മലബാര്‍ വികസന സമിതിയും കേരളാപൊലിസും മോട്ടോര്‍ വാഹന വകുപ്പും സംയുക്തമായി 'സുരക്ഷിതപാത സുന്ദരപാത' എന്ന പേരില്‍ ബോധവല്‍ക്കരണ പരിപാടി നടത്തുന്നു.
ജില്ലാ പഞ്ചായത്ത് വൈസ്പ്രസിഡണ്ട് പി.പി ദിവ്യ ഉദ്ഘാടനം ചെയ്യും. ജോയ് കൊന്നക്കല്‍ മുഖ്യപ്രഭാഷണം നടത്തും. പരിയാരം എസ്.ഐ കെ.എന്‍ മനോജ്, തളിപ്പറമ്പ് എ.എം.വി.ഐ കെ ബാബുരാജ് എന്നിവര്‍ ബോധവല്‍ക്കരണ സന്ദേശം നല്‍കും.
തുടര്‍ന്ന് പൊതു പ്രവര്‍ത്തകരും വിവിധ സാംസ്‌കാരിക സംഘടന, ട്രേഡ് യൂണിയന്‍ നേതാക്കളും സംസാരിക്കും. ബിനോയ് തോമസിന്റെ അധ്യക്ഷതയില്‍ നടക്കുന്ന പരിപാടിയില്‍ അബ്ദുല്‍ഖാദര്‍ ഇരിക്കൂര്‍ സ്വാഗതവും, സിജു ജോസഫ് നന്ദിയും പറയും.