കൊല്ലം: നിലമേൽ പുതുശേരിയിൽ നിർത്തിയിട്ടിരുന്ന കെഎസ്ആർടിസി ബസ്സിലേക്ക് ആംബുലൻസ് ഇടിച്ചുകയറി നാലുപേർക്ക് പരുക്ക്. അമിതവേഗതയിലെത്തിയ കാർ ആംബുലൻസിൽ ഇടിച്ചതാണ് അപകടത്തിന് കാരണമായത്. ഇന്ന് ഉച്ചയോടെയായിരുന്നു സംഭവം. 

കിടപ്പുരോഗിയുമായി പോവുകയായിരുന്ന ആംബുലൻസിനെ മറികടക്കാൻ ശ്രമിച്ച കാർ ആംബുലൻസിൽ തട്ടുകയായിരുന്നു. ഇതേത്തുടർന്ന് നിയന്ത്രണം വിട്ട ആംബുലൻസ് റോഡരികിൽ നിർത്തിയിട്ടിരുന്ന കെഎസ്ആർടിസി ബസ്സിന്റെ പിന്നിലേക്ക് ഇടിച്ചുകയറി. ആംബുലൻസിലുണ്ടായിരുന്ന രോഗി ഉൾപ്പെടെ നാലുപേർക്കാണ് പരുക്കേറ്റത്.
അപകടത്തിന് കാരണമായ കാർ നിർത്താതെ ഓടിച്ചുപോയതായി ദൃക്സാക്ഷികൾ പറഞ്ഞു.

പരുക്കേറ്റവരെ ഉടൻ തന്നെ സമീപത്തെ ആശുപത്രിയിൽ പ്രവേശിപ്പിച്ചു. ഇവരുടെ പരുക്ക് ഗുരുതരമല്ലെന്നാണ് പ്രാഥമിക വിവരം. പൊലിസ് സ്ഥലത്തെത്തി മേൽനടപടികൾ സ്വീകരിക്കുകയും നിർത്താതെ പോയ കാറിനായി അന്വേഷണം ആരംഭിക്കുകയും ചെയ്തു.

Four people were injured after an ambulance crashed into a parked KSRTC bus at Puthussery in Nilamel. The accident occurred around noon today when a speeding car reportedly hit the ambulance, causing it to lose control.