തിരുവനന്തപുരം: കോര്‍പ്പറേഷനില്‍ ഇടത് കോട്ടയായിരുന്ന മുട്ടട ഡിവിഷനില്‍ വിജയിച്ച വൈഷ്ണ സുരേഷ് സത്യപ്രതിജ്ഞ ചെയ്തു. ഭരണഘടന ഉയര്‍ത്തിപ്പിടിച്ചാണ് വൈഷ്ണ സത്യപ്രതിജ്ഞ ചെയ്തത്. ഈശ്വര നാമത്തിലായിരുന്നു സത്യപ്രതിജ്ഞ. 

കോര്‍പറേഷനില്‍ ഇടത് കോട്ടയായ മുട്ടട ഡിവിഷനാണ് എല്‍.ഡി.എഫില്‍ നിന്ന് വൈഷ്ണ സ്വന്തമാക്കിയത്. 1607 വോട്ടാണ് വൈഷ്ണ നേടിയത്. എല്‍.ഡി.എഫ് സിറ്റിങ് സീറ്റില്‍ 397 വോട്ടിന്റെ ഭൂരിപക്ഷത്തോടയാണ് വിജയം. ഇടത് സ്ഥാനാര്‍ത്ഥിയായ അംശു വാമദേവന് 1210 വോട്ടാണ് ലഭിച്ചത്. ബി.ജെ.പി സ്ഥാനാര്‍ത്ഥി അജിത് കുമാര്‍ 460 വോട്ടില്‍ ഒതുങ്ങിയിരുന്നു.

സ്ഥാനാര്‍ഥി പ്രഖ്യാപനത്തിന് പിന്നാലെ സി.പി.എമ്മും മേയര്‍ ആര്യാ രാജേന്ദ്രനും ഇടപെട്ട് വോട്ടേഴ്‌സ് ലിസ്റ്റില്‍ നിന്ന് തന്റെ പേര് വെട്ടിയെന്ന് ആരോപിച്ച് വൈഷ്ണ ഹൈക്കോടതിയെ സമീപിച്ചിരുന്നു. കോടതി ഇടപെടലിലൂടെയാണ് വൈഷ്ണയ്ക്ക് മത്സരിക്കാനായത്.  കാല്‍ നൂറ്റാണ്ടായി സി.പി.എം കൈയ്യടക്കി വെച്ച മുട്ടട വാര്‍ഡ് കോണ്‍ഗ്രസിന്റെ പ്രായം കുറഞ്ഞ സ്ഥാനാര്‍ഥിയായ വൈഷ്ണ സുരേഷ് അട്ടിമറി ജയത്തിലൂടെ പിടിച്ചെടുത്ത് മധുരപ്രതികാരം ചെയ്യുകയായിരുന്നു. 

Vaishna Suresh was sworn in as the UDF councillor from the Mutthada division of the Thiruvananthapuram Corporation, marking the party’s return to the ward after 25 years. She took the oath while holding a copy of the Indian Constitution and swore in the name of God.