കോഴിക്കോട്: പി.വി അന്‍വര്‍ നിയമസഭാ തെരഞ്ഞെടുപ്പില്‍ മത്സരിക്കുമെന്ന് സൂചന നല്‍കി അന്‍വറിനെ സ്വാഗതം ചെയ്ത് ബേപ്പൂരില്‍ വിവിധയിടങ്ങളില്‍ ഫ്‌ലക്‌സ് ബോര്‍ഡുകള്‍. 

ബേപ്പൂരിന്റെ മണ്ണിലേക്ക് സ്വാഗതമെന്നെഴുതിയ അന്‍വറിന്റെ ചിത്രത്തോടെയുള്ള ഫ്‌ലക്‌സ് ബോര്‍ഡുകളാണ് പ്രത്യക്ഷപ്പെട്ടത്. നിലമ്പൂര്‍ ഉപതെരഞ്ഞെടുപ്പ് സമയത്ത് മുഹമ്മദ് റിയാസിനെതിരെ ബേപ്പൂരില്‍ മത്സരിക്കുമെന്ന് അന്‍വര്‍ വെല്ലുവിളിച്ചിരുന്നു.

ഞായറാഴ്ച രാത്രിയാണ് അന്‍വറിനെ സ്വാഗതം ചെയ്ത് ബേപ്പൂരില്‍ വിവിധയിടങ്ങളില്‍ ഫ്‌ലക്‌സ് ബോര്‍ഡ് പ്രത്യക്ഷപ്പെട്ടത്. ബേപ്പൂര്‍ പോര്‍ട്ട് ഭാഗത്തും ബസ് സ്റ്റാന്റിലുമാണ് ഫ്‌ലക്‌സുകള്‍ പ്രത്യക്ഷപ്പെട്ടത്. ഇതില്‍ ചിലത് നശിപ്പിച്ച നിലയിലാണ്. 

ഇന്നലെയാണ് പി.വി അന്‍വര്‍ നയിക്കുന്ന തൃണമൂല്‍ കോണ്‍ഗ്രസിനെ യു.ഡി.എഫില്‍ ഉള്‍പ്പെടുത്താന്‍ തീരുമാനമായത്. അസോസിയേറ്റ് അംഗങ്ങളായാണ്  ഉള്‍പ്പെടുത്തുകയെന്ന് യു.ഡി.എഫ് ഏകോപന സമിതി യോഗത്തിനു ശേഷം പ്രതിപക്ഷ നേതാവ് വി.ഡി സതീശന്‍ അറിയിച്ചിരുന്നു.

Speculation is growing that P.V. Anvar may contest the upcoming Kerala Assembly election from the Beypore constituency, following the appearance of welcome flex boards in various parts of Beypore, Kozhikode. The boards, featuring Anvar’s photograph with the message “Welcome to Beypore,” were displayed at prominent locations including the Beypore port area and the bus stand. Some of the flex boards were later found damaged.