അബൂദബി: ഗസ്സയിലെ ദുരിതബാധിതർക്കായി ഏകദേശം 30 ടൺ മെഡിക്കൽ സാമ​ഗ്രികളും, പോഷകാഹാരങ്ങളും എത്തിച്ച് യുഎഇ. യുഎഇയുടെ മാനുഷിക സഹായ പദ്ധതിയായ 'ഓപ്പറേഷൻ ഷിവൽറസ് നൈറ്റ് 3' (Operation Chivalrous Knight 3) ന്റെ ഭാ​ഗമായാണ് ഈ സഹായം.
 ​
പ്രധാന വിവരങ്ങൾ:

​ഗസ്സയിലെ ഏകദേശം 20,000 കുട്ടികൾക്കും സ്ത്രീകൾക്കുമാണ് ഈ സഹായം ലഭിക്കുക. പ്രധാനമായും പോഷകാഹാരക്കുറവ് മൂലമുള്ള ആരോഗ്യ പ്രശ്നങ്ങൾ പരിഹരിക്കാനാണ് ഈ പദ്ധതി ലക്ഷ്യമിടുന്നത്.

ALSO READ: റോഡ് വികസനം: അൽ വർഖ 1 ലേക്കുള്ള എൻട്രൻസ് നാളെ അടയ്ക്കും; ബദൽ മാർ​ഗങ്ങൾ അറിയാം

വൈറ്റമിനുകൾ, മിനറലുകൾ, ഫാറ്റി ആസിഡുകൾ എന്നിവ അടങ്ങിയ പ്രത്യേക പോഷകാഹാരങ്ങളാണ് ഇതിലുള്ളത്. നിലക്കടല, പാൽ, പഞ്ചസാര തുടങ്ങിയവ ചേർത്ത് നിർമ്മിച്ച ഈ ഭക്ഷണസാധനങ്ങൾ പോഷകാഹാരക്കുറവ് നേരിടുന്നവർക്ക് ഏറെ ​ഗുണകരമാകും.

യുഎഇയിൽ നിന്നും പ്രത്യേക വിമാനത്തിൽ ഈജിപ്തിലെ അൽ അരിഷ് വിമാനത്താവളത്തിലാണ് സഹായമെത്തിച്ചത്. തുടർന്ന്, യുഎഇ മാനുഷിക സഹായ സംഘം, എല്ലാ സുരക്ഷാ മാനദണ്ഡങ്ങളും പാലിച്ച് സാധനങ്ങൾ ഏറ്റുവാങ്ങുകയും തരംതിരിച്ച് സൂക്ഷിക്കുകയും ചെയ്തു. ഉടൻ തന്നെ ഈ വസ്തുക്കൾ വിതരണത്തിനായി ​ഗസ്സയിലേക്ക് കൊണ്ടുപോകും. 

യുഎഇയുടെയും സഖർ ചാരിറ്റി ഫൗണ്ടേഷന്റെയും സംയുക്ത സഹകരണത്തോടെയാണ് ഈ പ്രവർത്തനം നടക്കുന്നത്. ​ഗസ്സയിലെ സാധാരണക്കാരുടെ ദുരിതം ലഘൂകരിക്കുന്നതിനായുള്ള യുഎഇയുടെ തുടർച്ചയായ ശ്രമങ്ങളുടെ ഭാഗമാണിത്.

The UAE has delivered approximately 30 tonnes of medical supplies and therapeutic nutrition for 20,000 women and children in Gaza as part of its humanitarian efforts under Operation Chivalrous Knight 3, aiming to alleviate the worsening health crisis in the region.