ദുബൈ: റാസ് അൽ ഖോർ റോഡിൽ നിന്നും അൽ വർഖ 1-ലേക്കുള്ള എൻട്രൻസ് താൽക്കാലികമായി അടച്ചിടുമെന്ന് ദുബൈ റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (RTA) അറിയിച്ചു. അൽ വർഖ പ്രദേശത്തെ റോഡ് വികസന പ്രവർത്തനങ്ങളുടെ ഭാഗമായാണ് റോഡ് അടച്ചിടുന്നത്.  ഈ മേഖലയിലെ ഗതാഗതം കൂടുതൽ സുഗമമാക്കുന്നതിനും സുരക്ഷ വർധിപ്പിക്കുന്നതിനുമായാണ് പുതിയ എൻട്രി-എക്സിറ്റ് പാതകൾ നിർമ്മിക്കുന്നത്.

ഡിസംബർ 28 പുലർച്ചെ 1:00 മണി മുതൽ ഡിസംബർ 29 പുലർച്ചെ 1:00 മണി വരെയാണ് റോഡ് അടച്ചിടുക. ഈ സമയം, യാത്രക്കാർ ഷെയ്ഖ് മുഹമ്മദ് ബിൻ സായിദ് റോഡ്, അൽജീരിയ സ്ട്രീറ്റ്, ട്രിപ്പോളി സ്ട്രീറ്റ് തുടങ്ങിയ ബദൽ റോഡുകൾ ഉപയോഗിക്കണമെന്ന് അതോറിറ്റി വ്യക്തമാക്കി. 

ALSO READ: ട്രെയിലർ നിയമങ്ങൾ ലംഘിച്ചാൽ 1,000 ദിർഹം വരെ പിഴ; കർശന നിർദ്ദേശങ്ങളുമായി അബൂദബി പൊലിസ്

ശ്രദ്ധിക്കേണ്ട കാര്യങ്ങൾ:

• റാസ് അൽ ഖോർ റോഡിൽ നിന്ന് അൽ വർഖ 1-ലേക്ക് പ്രവേശിക്കുന്ന കവാടമാണ് അടയ്ക്കുന്നത്.
• ഡ്രൈവർമാർ ട്രാഫിക് സൈനുകളും നിർദ്ദേശങ്ങളും കൃത്യമായി പാലിക്കണം.
• യാത്രാ തടസ്സങ്ങൾ ഒഴിവാക്കാൻ നേരത്തെ തന്നെ യാത്രകൾ ആസൂത്രണം ചെയ്യുക

അൽ വർഖ മേഖലയിലെ ഗതാഗതം സുഗമമാക്കുന്നതിനും സുരക്ഷ വർധിപ്പിക്കുന്നതിനുമുള്ള വികസന പ്രവർത്തനങ്ങളുടെ ഭാഗമായാണ് ഈ നടപടിയെന്നും, പൊതുജനങ്ങൾ സഹകരിക്കണമെന്നും ആർടിഎ അഭ്യർത്ഥിച്ചു.

The Dubai Roads and Transport Authority (RTA) has announced the temporary closure of the gate connecting Ras Al Khor Road to Al Warq 1, effective immediately, for road development works in the area.