കോഴിക്കോട്: വടകര എടച്ചേരി തലായിയില്‍ റോഡ് ക്രോസ് ചെയ്യുന്നതിനിടെ ഥാര്‍ ജീപ്പ് ഇടിച്ച് ഹോട്ടല്‍ തൊഴിലാളിയായ വീട്ടമ്മ മരിച്ചു. പുറമേരി സ്വദേശി ശാന്ത (60) ആണ് മരിച്ചത്. ബസ് ഇറങ്ങി റോഡ് ക്രോസ് ചെയ്യുന്നതിനിടെ അതിവേഗത്തിലെത്തിയ ജീപ്പ് ഇടിച്ച് തെറിപ്പിക്കുകയായിരുന്നു.

 ഇടിയുടെ ആഘാതത്തില്‍ ശാന്ത സംഭവ സ്ഥലത്ത് വച്ചു തന്നെ മരണപ്പെട്ടു. പുലര്‍ച്ചെ 6.15 നായിരുന്നു അപകടം. മൃതദ്ദേഹം വടകര ഗവ. ആശുപത്രി മോര്‍ച്ചറിയിലേക്ക് മാറ്റിയിട്ടുണ്ട്.

തിരുവനന്തപുരം വെഞ്ഞാറംമൂടും ഞായറാഴ്ച രാത്രി ടൂറിസ്റ്റ് വാനും ബൈക്കും കൂട്ടിയിടിച്ച് അപകടം നടന്നു. വെഞ്ഞാറമൂട് ആലുന്തറ ജങ്ഷനില്‍ ടൂറിസ്റ്റ് വാനും ബൈക്കും കൂട്ടിയിടിച്ചാണ് അപകടം നടന്നത്.

 ALSO READ: ടാറ്റാ നഗർ - എറണാകുളം എക്സ്പ്രസ് ട്രെയിനിൽ തീപിടിത്തം; രണ്ട് എസി കോച്ചുകൾ കത്തി നശിച്ചു; ഒരു മരണം

അപകടത്തില്‍ ബൈക്ക് യാത്രികനായ വെഞ്ഞാറമൂട് സ്വദേശി നന്ദുവിന് (26) ഗുരുതരമായി പരിക്കേറ്റു. തക്കലയില്‍ നിന്നും ഗുരുവായൂരിലേക്ക് പോവുകയായിരുന്ന ടൂറിസ്റ്റ് വാന്‍ നിയന്ത്രണം വിട്ട് ബൈക്കില്‍ ഇടിച്ച ശേഷം റോഡില്‍ മറിയുകയായിരുന്നു.