വള്ളുവമ്പ്രം: അത്താണിക്കല്‍ എം.ഐ.സി ക്യാംപസില്‍ അറഫാദിനമായ നാളെ ആയിരങ്ങള്‍ പങ്കെടുക്കുന്ന പ്രാര്‍ഥന സംഗമം നടക്കും. വിശുദ്ധ ഹജ്ജിന്റെ പ്രധാന കര്‍മമായ അറഫാസംഗമ ദിവസമായ നാളെ അത്താണിക്കല്‍ എം.ഐ.സി ക്യാംപസില്‍ പ്രാര്‍ഥനാ സംഗമം നടക്കും. രാവിലെ എട്ട് മുതല്‍ ആരംഭിക്കുന്ന ചടങ്ങ് പാണക്കാട് സയ്യിദ് മുനവ്വറലി ശിഹാബ് തങ്ങള്‍ ഉദ്ഘാടനം ചെയ്യും. ഏലംകുളം ബാപ്പു മുസ്‌ലിയാര്‍ പ്രാര്‍ഥനക്ക് നേതൃത്വം നല്‍കും.
ഷാജഹാന്‍ റഹ്മാനി കംബ്ലക്കാട്, ഹസ്സന്‍ സഖാഫി പൂക്കോട്ടൂര്‍ സംസാരിക്കും. സംഗമത്തോടനുബന്ധിച്ച് ഇന്ന് വൈകീട്ട് ഏഴിന് നടക്കുന്ന മതപ്രഭാഷണ പരിപാടിയില്‍ അന്‍വര്‍ മുഹ്‌യുദ്ധീന്‍ ഹുദവി ആലുവ പ്രസംഗിക്കും.
എം.ഐ.സി വാഫി കോളജിന്റെ ആഭിമുഖ്യത്തില്‍ എല്ലാവര്‍ഷവും നടന്നുവരുന്ന സംഗമത്തിന് വിപുലമായ ഒരുക്കങ്ങള്‍ ഇതിനകം പൂര്‍ത്തിയായി.