റിയാദ്: 'ഡയറക്ട് ഹജ്ജ് പ്രോഗ്രാമിന്' കീഴിലുള്ള രാജ്യങ്ങളിൽ നിന്നുള്ള തീർത്ഥാടകർക്കായി സൗദി ഭരണകൂടം ഒരുക്കിയിട്ടുള്ള ഔദ്യോഗിക ഡിജിറ്റൽ പ്ലാറ്റ്‌ഫോമായ നുസുക് വഴി പാക്കേജുകൾ തിരഞ്ഞെടുക്കാനുള്ള മുൻഗണനാ ഘട്ടത്തിന് ഹജ്ജ്-ഉംറ മന്ത്രാലയം തുടക്കമിട്ടു. ലഭ്യമായ പാക്കേജുകൾ പരിശോധിക്കാനും, സേവന നിലവാരം, സൗകര്യങ്ങൾ, ചിലവ് എന്നിവ പരിശോധിക്കാനും വിലയിരുത്താനും തീർത്ഥാടകർക്ക് ഇതിലൂടെ സാധിക്കും. തീർത്ഥാടകർക്ക് ഇഷ്ടപ്പെട്ട അഞ്ച് പാക്കേജുകൾ വരെ മുൻഗണനാക്രമത്തിൽ തിരഞ്ഞെടുക്കാൻ അവസരമുണ്ട്.

ALSO READ: പ്രതിരോധ സഹകരണം ശക്തിപ്പെടുത്തൽ; ഗൾഫ് ഷീൽഡിന്' സഊദി അറേബ്യയിൽ സമാപനം

ബുക്കിങ് ആരംഭിക്കുന്നതിന് മുമ്പ് തന്നെ തീർത്ഥാടകർക്ക് കൃത്യമായ തീരുമാനമെടുക്കാനും, ആവശ്യമായ തയ്യാറെടുപ്പുകൾ നടത്താൻ സർവീസ് പ്രൊവൈഡർമാർക്ക് അവസരം നൽകാനും ഇതുകൊണ്ട് സാധിക്കും. ഡിജിറ്റൽ വാലറ്റ് വഴി ഗഡുക്കളായുള്ള പേയ്‌മെന്റ് സൗകര്യം നുസുക് പ്ലാറ്റ്‌ഫോമിലുണ്ട്.

അർഹരായ തീർത്ഥാടകർ പ്ലാറ്റ്‌ഫോമിൽ വിവരങ്ങൾ രജിസ്റ്റർ ചെയ്യുകയോ പുതുക്കുകയോ ചെയ്യണമെന്ന് മന്ത്രാലയം അറിയിച്ചു. വ്യക്തിഗത വിവരങ്ങൾ കൃത്യമാണെന്ന് ഉറപ്പുവരുത്തുകയും കൂടെയുള്ള കുടുംബാംഗങ്ങളുടെ വിവരങ്ങൾ ചേർക്കുകയും ചെയ്യുന്നത് അപ്രൂവൽ നടപടികൾ വേഗത്തിലാക്കാൻ സഹായിക്കും. എല്ലാ പണമിടപാടുകളും ബുക്കിങുകളും പ്ലാറ്റ്‌ഫോം വഴി മാത്രമായിരിക്കണം. വിവരങ്ങൾ രജിസ്റ്റർ ചെയ്യുന്നതിന് Hajj.nusuk.sa എന്ന വെബ്‌സൈറ്റ് ഉപയോഗിക്കാം.  

The Saudi Ministry of Hajj and Umrah has officially launched the "Package Preference Phase" for the 1447 AH (2026) Hajj season through the Nusuk Hajj digital platform. This initial phase allows pilgrims from countries under the "Direct Hajj Program" to browse, compare, and rank up to five service packages based on cost, facilities, and service levels before the official booking window opens.