കുവൈത്ത് സിറ്റി: രാജ്യത്തെ വാഹന വ്യാപാര മേഖലയെ ആധുനികവൽക്കരിക്കുന്നതിനായി കുവൈത്ത് ആദ്യ സെൻട്രൽ വാഹന ലേല വിപണി ആരംഭിക്കാൻ തയ്യാറെടുക്കുന്നു. പദ്ധതിയുടെ നടത്തിപ്പിനായി താൽപ്പര്യമുള്ള പ്രാദേശിക, അന്തർദേശീയ കമ്പനികളിൽ നിന്ന് പബ്ലിക്-പ്രൈവറ്റ് പാർട്ണർഷിപ്പിനായി കുവൈത്ത് അതോറിറ്റി താൽപ്പര്യം ക്ഷണിച്ചു. ജനുവരി 29 ഉച്ചയ്ക്ക് 12 മണി വരെ വിവിധ കമ്പനികൾക്ക് അപേക്ഷകൾ സമർപ്പിക്കാം. അൽ-അബ്രഖ്, അൽ-നയീം, അൽ-ലിയ എന്നിവിടങ്ങളിലായി ഏകദേശം 5,00,000 ചതുരശ്ര മീറ്റർ വിസ്തൃതിയിലാണ് ഈ വമ്പൻ വിപണി ഒരുങ്ങുന്നത്. 

ALSO READ: നമ്പിയോ സൂചികയിൽ ഖത്തർ ആരോഗ്യമേഖലയ്ക്ക് ആഗോള അംഗീകാരം

അത്യാധുനിക ലേല ഹാളുകൾ, കാർ ഷോറൂമുകൾ, സാങ്കേതിക സേവന കേന്ദ്രങ്ങൾ, വാഹന പരിശോധനയ്ക്കുള്ള തുറന്ന സ്ഥലങ്ങൾ എന്നിവ വിപണിയുടെ പ്രധാന ആകർഷണമായിരിക്കും. നേരിട്ടുള്ള ലേലത്തിന് പുറമെ അന്താരാഷ്ട്ര നിലവാരത്തിലുള്ള ഡിജിറ്റൽ ലേലവും അധികൃതർ ഉദ്ദേശിക്കുന്നുണ്ട്. ജഹ്‌റയിൽ നിന്ന് 10 മിനിറ്റ് ദൂരത്തിൽ സാൽമി റോഡിലാണ് വിപണി ഒരുങ്ങുന്നത്. അനധികൃതമായ വാഹന വിൽപ്പന തടയുക, വാഹന വിപണിയിൽ സുതാര്യത ഉറപ്പാക്കുക തുടങ്ങിയവയാണ് അധികൃതർ ലക്ഷ്യം വെക്കുന്നത്.

ഈ പദ്ധതി 2019ൽ വാണിജ്യ വ്യവസായ മന്ത്രാലയം നിർദ്ദേശിച്ചിരുന്നു, എന്നാൽ വിവിധ കാരണങ്ങളാൽ വൈകുകയായിരുന്നു. 2025 ഒക്ടോബറിൽ നടന്ന ഉന്നതതല യോഗങ്ങൾക്ക് ശേഷം പദ്ധതി വേഗത്തിലാക്കാൻ തീരുമാനിക്കുകയായിരുന്നു. കുവൈത്ത് വാണിജ്യ വ്യവസായ മന്ത്രി ഖലീഫ അൽ അജീലിന്റെ നേതൃത്വത്തിൽ ഏകോപിപ്പിച്ചാണ് പദ്ധതി നടപ്പിലാക്കുന്നത്. 

Kuwait is set to modernize its automotive trade sector with the launch of its first Central Vehicle Auction Market. Spanning 500,000 square meters across Al-Abrq, Al-Naayem, and Al-Liyah, the project features high-tech auction halls, showrooms, and a digital auction system. The Public-Private Partnership Authority has invited local and international firms to submit interests by January 29, 2026. Strategically located on Salmi Road, the market aims to eliminate informal sales, ensure transparency, and consolidate the car trading industry under one structured, world-class facility.