ലഖ്‌നൗ: ഉത്തർപ്രദേശിലെ സർക്കാർ ആശുപത്രിയിൽ രോഗികൾ കിടക്കുന്ന കട്ടിലുകളിൽ എലികൾ ഓടിനടക്കുന്ന ദൃശ്യങ്ങൾ പുറത്തുവന്നു. യുപിയിലെ ഗോണ്ട മെഡിക്കൽ കോളേജിലാണ് ഞെട്ടിക്കുന്ന ഈ സംഭവമുണ്ടായത്. ആശുപത്രിയിലെ ഓർത്തോപീഡിക് വാർഡിൽ ഓക്സിജൻ പൈപ്പുകൾക്ക് മുകളിലൂടെയും ഭക്ഷണ പാത്രങ്ങൾക്കിടയിലൂടെയും എലികൾ യഥേഷ്ടം വിഹരിക്കുന്ന കാഴ്ചയാണ് പുറത്തുവന്നത്.

ALSO READ: വഴക്ക് തീർക്കാൻ ചെന്ന അമ്മാവന് കിട്ടിയത് അമ്മിക്കല്ല് കൊണ്ടുള്ള അടി; വടകരയിൽ യുവാവ് പൊലിസ് പിടിയിൽ

വാർഡിലെ എലിശല്യത്തെക്കുറിച്ച് രോഗികളും ബന്ധുക്കളും പലതവണ പരാതിപ്പെട്ടിട്ടും ആശുപത്രി അധികൃതർ നടപടിയെടുത്തില്ല. ഒടുവിൽ ഒരു രോഗിയുടെ ബന്ധു തന്നെയാണ് മൊബൈലിൽ ദൃശ്യങ്ങൾ പകർത്തി സമൂഹമാധ്യമങ്ങളിൽ പ്രചരിപ്പിച്ചത്.

ALSO READ: റോഡിലെ ശോചനീയാവസ്ഥയെ കുറിച്ച് പരാതി നൽകിയ കെഎസ്ഇബി ജീവനക്കാരന് സ്ഥലംമാറ്റം; ഇടപെട്ട് ഹൈക്കോടതി; സർക്കാരിന് തിരിച്ചടി

വീഡിയോ വൈറലായതോടെ യോഗി സർക്കാരിനെതിരെ രൂക്ഷവിമർശനവുമായി കോൺഗ്രസ് രംഗത്തെത്തി. ഇത് 'എലികൾക്കായി തുറന്ന ആശുപത്രിയാണോ' എന്ന് കോൺഗ്രസ് പരിഹസിച്ചു. ആരോഗ്യരംഗത്ത് വലിയ പുരോഗതി അവകാശപ്പെടുന്ന സർക്കാരിന് ഈ ദൃശ്യങ്ങൾ വലിയ നാണക്കേടുണ്ടാക്കി.

സംഭവം വിവാദമായതോടെ ജില്ലാ മജിസ്‌ട്രേറ്റ് ഇടപെടുകയും ആശുപത്രി സൂപ്രണ്ടിനോട് വിശദീകരണം തേടുകയും ചെയ്തു. രോഗികൾ കൊണ്ടുവരുന്ന ഭക്ഷണാവശിഷ്ടങ്ങൾ കാരണമാണ് എലികൾ എത്തുന്നതെന്നാണ് ആശുപത്രി അധികൃതരുടെ മറുപടി. നിലവിൽ വാർഡിൽ എലികളെ നശിപ്പിക്കാനുള്ള നടപടികൾ (പെസ്റ്റ് കൺട്രോൾ) ആരംഭിച്ചതായും അധികൃതർ അറിയിച്ചു. സംഭവത്തിൽ വകുപ്പുതല അന്വേഷണത്തിന് സർക്കാർ ഉത്തരവിട്ടിട്ടുണ്ട്.

a shocking video from the government medical college in gonda, uttar pradesh, has gone viral, showing rats roaming freely on patient beds and oxygen pipes in the orthopaedic ward. despite multiple complaints from patients and their families, no action was taken until the footage surfaced on social media.