എസ്.കെ.എസ്.എസ്.എഫ് സഹചാരി റിലീഫ് സെല്ലിന്റെ സ്പെഷ്യൽ ധനസഹായ  പദ്ധതിയിലേക്ക് അപേക്ഷ സമർപ്പിക്കാനുള്ള അവസാന തീയതി ജനുവരി 31 നാണ്. ഡയാലിസിസ് ചെയ്യുന്ന കിഡ്നി രോഗികളായ വിധവകൾക്കാണ് ഈ പദ്ധതിയിലൂടെ സഹായം നൽകുന്നത്. അർഹരായവർക്ക് എസ്.കെ.എസ്.എസ്.എഫ് ശാഖാ കമ്മിറ്റിയുടെ ഓർഗാനെറ്റ് സൈറ്റ് വഴി നിശ്ചിത തിയ്യതിക്കകം അപേക്ഷ സമർപ്പിക്കാവുന്നതാണെന്ന്  സംസ്ഥാന ജനറൽ സെക്രട്ടറി ഒ.പി എം അശ്റഫ് കുറ്റിക്കടവ് അറിയിച്ചു.