മദീന: റമദാനിൽ മദീനയിലെ മസ്ജിദുന്നബവിയിൽ ഇഫ്താർ വിരുന്നുകൾ സംഘടിപ്പിക്കുന്നതിനുള്ള അനുമതിക്കായി അപേക്ഷകൾ സ്വീകരിച്ചു തുടങ്ങുമെന്ന് ഇരുഹറം കാര്യാലയത്തിന്റെ മുന്നറിയിപ്പ്. വ്യക്തികൾക്കും സഊദിയിലെ ജീവകാരുണ്യത്തിനായി പ്രവർത്തിക്കുന്ന സംഘടനകൾക്കുമാണ് പെർമിറ്റുകൾ അനുവദിക്കുക. 'ഇഹ്‌സാൻ' നാഷണൽ പ്ലാറ്റ്‌ഫോം, 'നുസുക്' ഹ്യൂമാനിറ്റേറിയൻ ഫൗണ്ടേഷൻ എന്നിവയുടെ സഹകരണത്തോടെയാണ് പദ്ധതി നടപ്പിലാക്കുക.

ALSO READ: സഊദിയിൽ ഇനി വിദേശികൾക്കും പ്രോപ്പർട്ടികൾ വാങ്ങാം; പുതിയ നിയമം പ്രാബല്യത്തിൽ  

ജനുവരി 25 ഞായറാഴ്ച മുതൽ രണ്ട് ദിവസത്തേക്ക് വ്യക്തികൾക്ക് അപേക്ഷിക്കാവുന്നതാണ്. ജനുവരി 28 ബുധനാഴ്ച മുതൽ മൂന്ന് ദിവസത്തേക്ക് സംഘടനകൾക്കും അപേക്ഷിക്കാം. ഇതിനായി അപേക്ഷകർ ഇരുഹറം കാര്യാലയത്തിന്റെ വെബ്സൈറ്റ് മുഖേനെയുള്ള നിബന്ധനകൾ കൃത്യമായി പാലിക്കണമെന്നും അധികൃതർ വ്യക്തമാക്കുന്നു. വിതരണം ചെയ്യുന്ന ഭക്ഷണത്തിന്റെ വില, ഇഫ്താർ നടത്തുന്ന സ്ഥലം എന്നിവ അപേക്ഷയിൽ വ്യക്തമാക്കണം. ഒപ്പം നിശ്ചിത ഫീസ് അപേക്ഷകർ അടയ്ക്കണം. 

The General Authority for the Care of the Two Holy Mosques has announced the application schedule for Ramadan Iftar permits at the Prophet's Mosque in Madinah. Applications for individuals open on January 25 for two days, while non-profit and charitable organizations can apply starting January 28 for three days. The process is integrated with the Ihsan and Nusuk platforms, requiring applicants to specify meal costs, locations, and settle fees via the official portal.