ഒമാന്‍: ഗസ്സയിലെ സംഘര്‍ഷങ്ങള്‍ മൂലം സ്വന്തം കൃഷിയിടങ്ങള്‍ നഷ്ടമായ ഫലസ്തീനിയന്‍ കര്‍ഷകര്‍ ഒമാനില്‍ പുതിയ ജീവിതം ആരംഭിച്ചു. വര്‍ഷങ്ങളായി സ്‌ട്രോബെറി കൃഷിയില്‍ പരിചയമുള്ള ഇവര്‍ ഇപ്പോള്‍ ഒമാനിലെ ബര്‍ക്കാ പ്രദേശത്ത് സ്‌ട്രോബെറി കൃഷി നടത്തുകയാണ്.

ഗസ്സയുടെ വടക്കന്‍ മേഖലയായ ബെയ്ത് ലാഹിയയില്‍ കൃഷി ചെയ്തിരുന്ന ഇവര്‍, യുദ്ധ സാഹചര്യങ്ങള്‍ കാരണം ഭൂമിയും ഉപജീവന മാര്‍ഗവും നഷ്ടപ്പെട്ടതോടെയാണ് ഗള്‍ഫ് രാജ്യങ്ങളിലേക്ക് കുടിയേറിയത്.തുടര്‍ന്ന് ഒമാനിലെ സാഹചര്യങ്ങള്‍ സ്‌ട്രോബറി കൃഷിക്ക് അനുയോജ്യമാണെന്ന് കണ്ടെത്തിയതോടെയാണ് ഇവിടെ കൃഷി ആരംഭിച്ചത്.

ALSO READ: വൈദ്യുതി ആവശ്യങ്ങള്‍ വര്‍ധിക്കുന്നു;മിസ്ഹഫ്, ദുഖ്മ് മേഖലകളില്‍ പുതിയ പവര്‍ പ്ലാന്റുകള്‍

പുതിയ സ്ഥലത്തും പഴയ അനുഭവങ്ങള്‍ ഉപയോഗപ്പെടുത്തി ഗുണമേന്മയുളള വിളവെടുപ്പ് സാധ്യമാകാനാകുമെന്ന് കര്‍ഷകര്‍ പ്രതീക്ഷിക്കുന്നു. കൃഷിയിലൂടെ വീണ്ടും സ്വന്തം ജീവിതം പുനര്‍നിര്‍മ്മിക്കാനുളള ശ്രമമാണ് ഇതെന്ന് പറയുന്നു.

ഗസ്സയിലെ സംഘര്‍ഷങ്ങള്‍ കാരണം തൊഴിലും സുരക്ഷയും നഷ്ടപ്പെട്ട നിരവധി കുടുംബങ്ങള്‍ പുതു ജീവിതം തേടി വിദേശരാജ്യങ്ങളിലേക്ക് കുടിയേറുകയാണ്. അതിന്റെ ഭാഗമായാണ് ഈ ഫലസ്തീനിയന്‍ കര്‍ഷകരുടെ ഒമാനിലെ പുതിയ തുടക്കം കുറിച്ചത്.