ഇന്ത്യ-ന്യൂസിലാൻഡ് നാലാം ടി-20 മത്സരം ഇന്ന് വിശാഖപട്ടണത്താണ് നടക്കുന്നത്. പരമ്പരയിലെ ആദ്യ മൂന്ന് മത്സരങ്ങളും വിജയിച്ച ഇന്ത്യ നേരത്തെ തന്നെ സീരിസ് വിജയം ഉറപ്പാക്കിയിരുന്നു. ഇനിയുള്ള രണ്ട് മത്സരങ്ങൾ വിജയിച്ചുകൊണ്ട് പരമ്പര തൂത്തുവാരാൻ ആയിരിക്കും സൂര്യകുമാർ യാദവും സംഘവും ലക്ഷ്യം വെക്കുക. എന്നാൽ ബാക്കിയുള്ള രണ്ട് മത്സരവും വിജയിച്ചുകൊണ്ട് മടങ്ങാനാവും കിവികൾ ഇറങ്ങുന്നത്. 

ഈ മത്സരത്തിൽ ആരാധകർ ഉറ്റുനോക്കുന്നത് മലയാളി സൂപ്പർതാരം സഞ്ജു സാംസണിന്റെ തിരിച്ചുവരവിനാണ്. ആദ്യ മൂന്ന് മത്സരങ്ങളിലും നിരാശപ്പെടുത്തിയ സഞ്ജുവിന് ഇന്നത്തെ മത്സരം നിർണായകമാണ്. ടീമിൽ നിലനിൽക്കണമെങ്കിൽ സഞ്ജുവിന് ഇന്ന് മിന്നും പ്രകടനം തന്നെ പുറത്തെടുക്കേണ്ടി വരും. ഇപ്പോൾ ഈ മത്സരത്തിന് മുന്നോടിയായി സഞ്ജുവിന് പിന്തുണയുമായി മുന്നോട്ട് വന്നിരിക്കുകയാണ് മുൻ ഇന്ത്യൻ താരം കൈഫ്. ക്യാപ്റ്റൻ സൂര്യകുമാർ യാദവ് മികച്ച ഫോമിലേക്ക്തി രിച്ചുവന്ന പോലെ സഞ്ജുവും പഴയ ഫോമിലേക്ക് തിരിച്ചെത്തുമെന്നാണ് കൈഫ് പറഞ്ഞത്. 

''ഇപ്പോൾ സഞ്ജുവിനൊപ്പം നിക്കണം. അവൻ മൂന്ന് സെഞ്ച്വറികൾ നേടിയിട്ടുണ്ട്. അവൻ സ്വയം തെളിയിക്കപ്പെട്ട താരമാണ്. അവന് ഇനിയും കളിക്കാൻ കഴിയും. സൂര്യകുമാർ യാദവിനെ നോക്കൂ. അദ്ദേഹം ക്യാപ്റ്റനായിരുന്നു.  ഫോമിൽ അല്ലായിരുന്നു.  എന്നാൽ അദ്ദേഹത്തിന് തന്റെ കളിയിൽ ആത്മവിശ്വാസം ഉണ്ടായിരുന്നു. ഞാൻ ഫോമിൽ അല്ലെന്ന് അദ്ദേഹം എപ്പോഴും പറഞ്ഞിരുന്നു. ഞാൻ നന്നായി കളിക്കുന്നു,  ഞാൻ ടീമായി ബന്ധപ്പെട്ടിരിക്കുന്നു, എനിക്ക് റൺസ് കുറവാണ് അദ്ദേഹം എപ്പോഴും ഇങ്ങനെ പറയുമായിരുന്നു.

എന്തുകൊണ്ടായിരിക്കും അദ്ദേഹം ഇങ്ങനെ പറഞ്ഞത്?  കാരണം അദ്ദേഹത്തിന് തന്റെ കളിയിൽ വിശ്വാസമുണ്ടായിരുന്നു. ഒന്നോ രണ്ടോ മത്സരത്തിൽ റൺസ് നേടുന്നതിൽ   പരാജയപ്പെട്ടാലും അദ്ദേഹം ട്രാക്കിലേക്ക് തിരിച്ചെത്തി.  സൂര്യകുമാർ യാദവിന് സ്വയം അറിയാമായിരുന്നു.  അങ്ങനെ സ്വയം തെളിയിക്കാതെ ഒരു താരവും ഐസിസിയിൽ ഒന്നാം  റാങ്കിൽ എത്തില്ല.  അദ്ദേഹം തന്റെ കഴിവ് പ്രകടിപ്പിച്ചു. എല്ലാവരും അദ്ദേഹത്തെ ബഹുമാനിച്ചു,  പ്രശംസിച്ചു. അദ്ദേഹം എന്തൊരു താരമാണെന്ന് എല്ലാവരും പറഞ്ഞു. ഫോമിൽ തിരിച്ചെത്താൻ അദ്ദേഹത്തിന് അവസരങ്ങൾ നൽകിക്കൊണ്ടേയിരുന്നു. ഈ സമയത്ത് അദ്ദേഹം തിരിച്ചുവരവ് നടത്തി റൺസുകൾ സ്കോർ ചെയ്തു. ഞാൻ ഇപ്പോഴും നിങ്ങളോട് പറയുന്നു സഞ്ജു സാംസന്റെ കാര്യത്തിലും ഇതുതന്നെ സംഭവിക്കും" മുഹമ്മദ് കൈഫ് തന്റെ യൂട്യൂബ് ചാനലിലൂടെ പറഞ്ഞു.

The fourth T20I between India and New Zealand will be played in Visakhapatnam today. Fans are eagerly waiting for the comeback of Malayali superstar Sanju Samson in this match. Today's match is crucial for Sanju, who has disappointed in the first three matches. Now, ahead of this match, former Indian player Kaif has come forward to support Sanju. Kaif said that just like captain Suryakumar Yadav has returned to his best form, Sanju will also return to his old form.