കരുളായി: പഞ്ചായത്ത്, കൃഷിഭവന്‍, കുടുംബശ്രീ എന്നിവ ചേര്‍ന്ന് കരുളായി അങ്ങാടിയില്‍ ഓണച്ചന്ത തുടങ്ങി. പി.വി അന്‍വര്‍ എം.എല്‍.എ ഉദ്ഘാടനം ചെയ്തു. പഞ്ചായത്ത് പ്രസിഡന്റ് വി.അസൈനാര്‍ അധ്യക്ഷനായി. കെ.ഷെരീഫ, കെ.മനോജ്, സി.ഡി.എസ് പ്രസിഡന്റ് കെ.ബീന, കെ.പി ഷറഫുദ്ദീന്‍, ഉഷ കൊളത്തൂര്‍, കൃഷി ഓഫീസര്‍ ഡബ്ലിയു.ആര്‍ അജിത്‌സിംഗ് സംസാരിച്ചു.
കാളികാവ്: ചോക്കാട് പഞ്ചായത്തില്‍ ഓണ സമൃദ്ധി  ഓണച്ചന്തക്ക് തുടക്കമായി. കൃഷിഭവന്‍, കുടുംബശ്രി, സര്‍വീസ് സഹകരണ ബാങ്ക് എന്നിവയുടെ നേതൃത്വത്തില്‍ ഒരുക്കിയ ഓണച്ചന്ത കാളികാവ് ബ്ലോക്ക് പഞ്ചായത്ത് പ്രസിഡന്റ് പി.ഖാലിദ് മാസ്റ്റര്‍ ഉദ്ഘാടനം ചെയ്തു. ചോക്കാട് പഞ്ചായത്ത് പ്രസിഡന്റ് ഷാഹിനാ ഗഫൂര്‍ അധ്യക്ഷയായി.  
ചോക്കാട് കൃഷി ഓഫീസര്‍ കെ.വി ശ്രീജ, എ.ടി റംലത്ത് സംസാരിച്ചു. തുടര്‍ന്ന് വിവിധ സ്റ്റാളുകളുടെ ആദ്യ വില്‍പന ബ്ലോക്ക് പഞ്ചായത്ത് പ്രസിഡന്റ് പി ഖാലിദ് മാസ്റ്റര്‍, പഞ്ചായത്ത് പ്രസിഡന്റ് ഷാഹിന ഗഫൂര്‍, വൈസ് പ്രസിഡന്റ് ആനിക്കോട്ടില്‍ ഉണ്ണി കൃഷ്ണന്‍, എ.എം അബ്ദുല്‍ ഹമീദ്, എം. റസീന, ടി. ശിവശങ്കരന്‍, വി.പി സജീവന്‍ നിര്‍വഹിച്ചു.
മൂത്തേടം: കൃഷിഭവന്‍, കുടുംബശ്രീ ഓണച്ചന്ത കാരപ്പുറത്ത് പഞ്ചായത്ത്പ്രസിഡന്റ് സി.ടി രാധാമണി ഉദ്ഘാടനം ചെയ്തു. എ.ടി റെജി അധ്യക്ഷനായി. എന്‍.അബ്ദുല്‍ മജീദ്, സൈറാബാനു, കെ.സുബൈദ, മുജീബ് കോയ, ജാസ്മിന്‍, ഉഷാ സച്ചിദാനന്ദന്‍, സി.ഡി.എസ് പ്രസിഡന്റ് കെ.ബിന്ദു, കെ.ജോബി സംസാരിച്ചു. 13 വരെ വിപണന കേന്ദ്രം പ്രവര്‍ത്തിക്കും.
പൊന്മള:  കൃഷിഭവന്റെ ആഭിമുഖ്യത്തില്‍ പറങ്കിമൂച്ചിക്കലില്‍ ഓണച്ചന്ത തുടങ്ങി ഉദ്ഘാടനം പഞ്ചായത്ത് പ്രസിഡന്റ് കെ.മൊയ്തീന്‍ നിര്‍വഹിച്ചു. അംഗങ്ങളായ നാരായണന്‍കുട്ടി, മുസ്തഫ, മണി, ഫൈസല്‍, ഷാഹിന, ഹംസ, സലാം, മുരളി, പ്രമോദ്, രോഹിണി സംബന്ധിച്ചു.