ജാമ്യത്തിലിറങ്ങി മുങ്ങിയ പ്രതി അറസ്റ്റില്‍
കാസര്‍കോട്: 2011ല്‍ കഞ്ചാവ് കേസില്‍ റിമാന്‍ഡിലായശേഷം കാസര്‍കോട് സബ് ജയിലില്‍ അക്രമം നടത്തുകയും പിന്നീട് ഈ കേസില്‍ ജാമ്യത്തിലിറങ്ങി മുങ്ങുകയും ചെയ്ത വാറണ്ട് പ്രതി അറസ്റ്റില്‍. കോട്ടയം രാമപുരം പള്ളിവാതുക്കലിലെ അനൂപ് ദേവദാസാ(40)ണ് അറസ്റ്റിലായത്.
കാസര്‍കോട്ട് വച്ചാണ് 2011ല്‍ കഞ്ചാവുമായി ഇയാളെ പൊലിസ് പിടികൂടിയത്. കോടതി റിമാന്‍ഡ് ചെയ്ത പ്രതിയെ സബ് ജയിലില്‍ അയച്ചപ്പോഴാണ് അവിടെ അക്രമം നടത്തിയത്.
ഇതിന്റെ പേരില്‍ മറ്റൊരു കേസും യുവാവിനെതിരേ പൊലിസ് രജിസ്റ്റര്‍ ചെയ്തിരുന്നു.
പിന്നീട് ഈ കേസില്‍ ജാമ്യത്തിലിറങ്ങി മുങ്ങിയതിനെതുടര്‍ന്നാണ് കോടതി ഇയാള്‍ക്കെതിരേ വാറണ്ട് പുറപ്പെടുവിച്ചത്.