മ്യൂണിക്: ഗസ്സയില്‍ ഇസ്‌റാഈല്‍ നടത്തുന്ന കൂട്ടക്കുരുതി ഉടന്‍ അവസാനിപ്പിക്കണമെന്നും മേഖലയുടെ പുനര്‍നിര്‍മ്മാണ പ്രവര്‍ത്തനങ്ങള്‍ അടിയന്തരമായി ആരംഭിക്കണമെന്നും വ്യക്തമാക്കി സഊദി അറേബ്യ. ജര്‍മ്മനിയില്‍ നടക്കുന്ന മ്യൂണിക് സുരക്ഷാ സമ്മേളനത്തില്‍ (Munich Securtiy Conference) സംസാരിക്കവെ വിദേശകാര്യ മന്ത്രി ഫൈസല്‍ ബിന്‍ ഫര്‍ഹാന്‍ രാജകുമാരന്‍ ആണ് ഇക്കാര്യം ആവശ്യപ്പെട്ടത്. ഫലസ്തീന്‍ ഐക്യം നിലനിര്‍ത്തുന്നതിന് ഗസ്സയിലെ സ്ഥിരത അനിവാര്യമാണെന്നും അദ്ദേഹം ഓര്‍മ്മിപ്പിച്ചു.
'പരിഷ്‌കരണത്തിനും നാശത്തിനുമിടയിലുള്ള അന്താരാഷ്ട്ര വ്യവസ്ഥ' എന്ന വിഷയത്തില്‍ നടന്ന സെഷനില്‍ സംസാരിക്കവെ, നിലവിലെ ആഗോള രാഷ്ട്രീയ ക്രമത്തിനെതിരെ അദ്ദേഹം രൂക്ഷവിമര്‍ശനം ഉന്നയിച്ചു. അന്താരാഷ്ട്ര സംവിധാനങ്ങള്‍ ഇന്ന് വേണ്ട രീതിയില്‍ പ്രവര്‍ത്തിക്കുന്നില്ലെന്ന് അദ്ദേഹം ചൂണ്ടിക്കാട്ടി. വെസ്റ്റ് ബാങ്കും ഗസ്സയും തമ്മിലുള്ള രാഷ്ട്രീയ ഐക്യം സാധ്യമാകണമെങ്കില്‍ ഗസ്സയില്‍ സുരക്ഷയും സമാധാനവും പുനഃസ്ഥാപിക്കപ്പെടണം. വെടിനിര്‍ത്തല്‍ കരാറുകള്‍ നിലവിലുണ്ടായിട്ടും ഗസ്സയില്‍ മരണങ്ങള്‍ തുടരുന്നത് ദീര്‍ഘകാല സമാധാന ശ്രമങ്ങളെ തകര്‍ക്കുമെന്നും അദ്ദേഹം മുന്നറിയിപ്പ് നല്‍കി.

#ميونخ | سمو وزير الخارجية الأمير #فيصل_بن_فرحان @FaisalbinFarhan يشارك في جلسة نقاشية بعنوان "نقطة التحول: النظام الدولي بين الإصلاح والانهيار" وذلك ضمن جلسات مؤتمر ميونخ للأمن ٢٠٢٦م. pic.twitter.com/ZVl5qHZI0n

— وزارة الخارجية 🇸🇦 (@KSAMOFA) February 13, 2026

62ാമത് മ്യൂണിക് സുരക്ഷാ സമ്മേളനത്തില്‍ അമേരിക്കന്‍ സ്റ്റേറ്റ് സെക്രട്ടറി മാര്‍ക്കോ റൂബിയോ, ഡെമോക്രാറ്റിക് കോണ്‍ഗ്രസ് അംഗം അലക്‌സാണ്ട്രിയ ഒകാസിയോ കോര്‍ട്ടസ് തുടങ്ങി പ്രമുഖ ലോക നേതാക്കളും ഗള്‍ഫ് പ്രതിനിധികളും പങ്കെടുക്കുന്നുണ്ട്. മൂന്ന് ദിവസം നീണ്ടുനില്‍ക്കുന്ന സമ്മേളനത്തില്‍ ഗസ്സയിലെ സാഹചര്യം കൂടാതെ ഉക്രൈന്‍ യുദ്ധം, റഷ്യയുമായുള്ള ബന്ധം, ആഗോള സുരക്ഷാ പങ്കാളിത്തം തുടങ്ങിയ വിഷയങ്ങളും ചര്‍ച്ചയാകും. ശീതയുദ്ധത്തിന് ശേഷമുള്ള ഏറ്റവും കലുഷിതമായ അന്തരീക്ഷത്തിലാണ് ഇത്തവണത്തെ സമ്മേളനം നടക്കുന്നത്.

Saudi Arabia’s Foreign Minister Faisal bin Farhan on Friday called for an immediate end to Israeli killings in the Gaza Strip and the launch of reconstruction, stressing that stability in the enclave is vital to preserving Palestinian unity.  He emphasised that unity between the West Bank and Gaza would not be possible without security and stability in the territory.