തിരുവനന്തപുരം: കേരളത്തിലെ മെഡിക്കൽ കോളേജ് ഡോക്ടർമാർ പ്രഖ്യാപിച്ച അനിശ്ചിതകാല ഒ.പി ബവിഷ്കരണ സമരം ഇന്ന് മുതൽ. വിവിധ ആവശ്യങ്ങളിൽ സർക്കാർ നൽകിയ ഉറപ്പുകൾ പാലിക്കാത്തതിന് പിന്നാലെയാണ് സമരത്തിലേക്ക് നീങ്ങാൻ  ഡോക്ടർമാരുടെ സംഘടനയായ കെജിഎംസിറ്റിഎയുടെ തീരുമാനം. ഇന്ന് മുതൽ അനിശ്ചിത അധ്യാപന ബഹിഷ്കരണവും ഒ. പി ബഹിഷ്കരണവും നടക്കും. സമരത്തിൽ നിന്നും ലേബർറൂം, ഐസിയു, ക്യാഷ്വാലിറ്റി കിടത്തി ചികിത്സ, മറ്റ് അടിയന്തര ചികിത്സകൾ, ശസ്ത്രക്രിയകൾ, പോസ്റ്റ്മോർട്ടം എന്നിവ ഒഴിവാക്കിയിട്ടുണ്ട്. 

എല്ലാ മെഡിക്കൽ കോളേജുകളിലും ഇന്ന് പ്രതിഷേധ ധർണ നടക്കും. സമരത്തിന്റെ ഭാഗമായി ഫെബ്രുവരി ഫെബ്രുവരി 19ന്  രാവിലെ 10 മണി മുതൽ സെക്രട്ടറിയേറ്റിന് മുന്നിൽ സംഘടന ധർണ നടത്തും. അന്നേദിവസം മുതൽ തന്നെ അനിശ്ചിതകാലത്തേക്ക് അടിയന്തരമല്ലാത്ത ശസ്ത്രക്രിയകളും നിർത്തിവെക്കും. ഫെബ്രുവരി 26 മുതൽ പരീക്ഷ ജോലികളും ബഹിഷ്കരിക്കാനാണ് സംഘടനയുടെ തീരുമാനം.