എറണാകുളം: മുനമ്പത്ത് വഖഫ് ഭൂമി കയ്യേറിയെന്ന ഹരജിയില്‍ നോട്ടിസ് അയച്ച് ഹൈക്കോടതി. മുനമ്പം വേളാങ്കണ്ണി മാതാ ചര്‍ച്ചിനാണ് നോട്ടീസ്. ആലുവ സ്വദേശി അബ്ദുല്‍ ലുഖ്മാന്‍ എം.എം ആണ് ഹരജി നല്‍കിയത്.  ഏകദേശം രണ്ടേക്കറോളം ഭൂമി കയ്യേറിയെന്നാണ് ഹരജിയില്‍ പരാതി ഉന്നയിച്ചിരിക്കുന്നത്. ഹരജി പരിഗണിച്ച ഹൈക്കോടതി ബന്ധപ്പെട്ട വകുപ്പുകള്‍ക്കും പള്ളി അധികാരികള്‍ക്കും ഫാറൂഖ് കോളജിനും നോട്ടിസ് അയച്ചിട്ടുണ്ട്.

ALSO READ: പണമെടുത്ത് കാലി പഴ്സ് സീറ്റിന് പുറകിലേക്ക് എറിഞ്ഞു; എല്ലാം കണ്ണാടിയിലൂടെ കണ്ട ഓട്ടോ ഡ്രൈവർ പിടികൂടിയത് പിടികിട്ടാപ്പുള്ളിയായ യുവതിയെ, 10 സ്റ്റേഷനിൽ കേസ്

മുനമ്പം വേളാങ്കണ്ണി മാതാ ചര്‍ച്ച് അനധികൃതമായി ഭൂമി കയ്യേറി പള്ളിഹാള്‍, ശ്മശാനം, സെമിനാരി തുടങ്ങിയവ നിര്‍മ്മിച്ചുവെന്നാണ് പരാതിയില്‍ പറയുന്നത്. വഖഫ് ഡീഡ് പ്രകാരം ഈ ഭൂമി ഫാറൂഖ് കോളജിന്റെ ആവശ്യത്തിനായി സമര്‍പ്പിച്ചതാണ്. അന്വേഷണം നടത്താനും കൈയ്യേറ്റം ഉണ്ടെങ്കില്‍ ഒഴിപ്പിക്കാനും ജില്ലാ കലക്ടര്‍ തഹസില്‍ദാറിന് നിര്‍ദ്ദേശം നല്‍കിയിരുന്നു. എന്നാല്‍  ഇതുവരെയും നടപടിയുണ്ടായിട്ടില്ല- ഹരജിക്കാരന്‍ വ്യക്തമാക്കി.

ഫാറൂഖ് കോളജ് മാനേജ്മെന്റിനോടും കേരള വഖഫ് ബോര്‍ഡിനോടും ഇത് സംബന്ധിച്ച് ഹൈക്കോടതി വിശദീകരണം തേടിയിട്ടുണ്ട്.

kerala high court issues notice to munambam velankanni matha church in ernakulam over alleged encroachment of waqf land.