കൊല്ലം: ശബരിമല സ്വര്‍ണകൊള്ള കേസില്‍ ജയിലില്‍ കഴിയുന്ന സി.പി.എം പത്തനംതിട്ട ജില്ലാ കമ്മിറ്റി അംഗവും മുന്‍ ദേവസ്വം ബോര്‍ഡ് പ്രസിഡന്റുമായ എ. പത്മകുമാറിന് സ്വാഭാവിക ജാമ്യം.  

കട്ടിളപ്പാളി കേസിലാണ് കൊല്ലം വിജിലന്‍സ് കോടതി ജാമ്യം അനുവദിച്ചത്. കേസില്‍ അറസ്റ്റിലായി 90 ദിവസം കഴിഞ്ഞിട്ടും അന്വേഷണ സംഘം കുറ്റപത്രം സമര്‍പ്പിക്കാത്തത് ചൂണ്ടിക്കാട്ടിയാണ് ജാമ്യപേക്ഷയുമായി പത്മകുമാര്‍ കോടതിയെ സമിപിച്ചത്. ഇന്നലെ കൊല്ലം വിജിലന്‍സ് കോടതി കേസ് പരിഗണിച്ചപ്പോള്‍ കേസില്‍ എസ്.ഐ.ടി കുറ്റപത്രം സമര്‍പ്പിക്കാത്തതും സ്വാഭാവിക ജാമ്യത്തിന് അര്‍ഹനാണെന്നും പ്രതിഭാഗം ചൂണ്ടിക്കാട്ടി.

ALSO READ: മുനമ്പത്ത് വഖഫ് ഭൂമി കയ്യേറിയെന്ന ഹരജിയില്‍ നോട്ടിസ് അയച്ച് ഹൈക്കോടതി

അതേസമയം, ദ്വാരപാലക കേസില്‍ റിമാന്‍ഡ് കാലാവധി കഴിയാത്തതിനാല്‍ പത്മകുമാറിന് ജയില്‍ മോചിതനാകാനാവില്ല. 

സ്വര്‍ണക്കൊള്ളയുമായി ബന്ധപ്പെട്ട കേസില്‍ കഴിഞ്ഞ വര്‍ഷം നവംബര്‍ 20നാണ് പത്മകുമാറിനെ പ്രത്യേക അന്വേഷണ സംഘം അറസ്റ്റ് ചെയ്തത്. കട്ടിളപ്പാളി കേസിലായിരുന്നു ആദ്യ അറസ്റ്റ്. ഈ കേസില്‍ റിമാന്‍ഡില്‍ ആയിരിക്കുമ്പോഴാണ് ദ്വാരപാലക കേസിലും എസ്.ഐ.ടി പത്മകുമാറിന്റെ അറസ്റ്റ് രേഖപ്പെടുത്തിയത്.കവര്‍ച്ച പത്മകുമാറിന്റെ അറിവോടെയായിരുന്നുവെന്നാണ് പ്രത്യേക അന്വേഷണ സംഘത്തിന്റെ കണ്ടെത്തല്‍. 

മുഖ്യപ്രതി ഉണ്ണികൃഷ്ണന്‍ പോറ്റിയും എന്‍ വാസുവും അടക്കമുള്ളവര്‍ നേരത്തെ സ്വാഭാവിക ജാമ്യം ലഭിച്ച് പുറത്തിറങ്ങിയിരുന്നു. തന്ത്രി കണ്ഠരര് രാജീവര്‍ക്കും കോടതി ജാമ്യം നല്‍കി. 

In a key development in the Sabarimala gold theft case, CPM Pathanamthitta district committee member and former Devaswom Board president A. Padmakumar has been granted default bail by the Kollam Vigilance Court in the Kattilappalli case.