പരപ്പനങ്ങാടി: പെരുന്നാള്‍ത്തലേന്ന് ശുചീകരണ പ്രവര്‍ത്തനത്തിനിറങ്ങി എസ്.കെ.എസ്.എസ്.എഫ്, എസ്.ബി.വി പ്രവര്‍ത്തകര്‍ മാതൃകയായി. പാലത്തിങ്ങല്‍ കൊട്ടന്തലയിലെ എസ്.കെ.എസ്.എസ്.എഫ് പ്രവര്‍ത്തകാരാണ് വിദ്യാര്‍ഥികള്‍ക്കും വാഹനങ്ങള്‍ക്കും ദുരിതമായിരുന്ന റോഡിന്റെ ഇരുഭാഗത്തുമുള്ള കുറ്റിക്കാടുകള്‍ വെട്ടിമാറ്റി പാതയൊരുക്കിയത്. പെരുന്നാളിനോടനുബന്ധിച്ച് ശുചീകരണം നടത്തിയ പ്രവര്‍ത്തകരെ മഹല്ല് കമ്മിറ്റിയും നാട്ടുകാരും അഭിനന്ദിച്ചു. പി.കെ റിയാസ്, പി.വി ഇന്‍ഷാഫ് , വി റസാഖ്, അജ്മല്‍, ജിന്‍ഷാദ്, ദില്‍ഖഷ്, റഊഫ്, സിനാന്‍, മുഷ്താഖ്, മുഫീദ് സഹദ്, മഹ്‌റൂഫ് നേതൃത്വം നല്‍കി.