കൊല്‍ക്കത്ത: മുന്‍ റെയില്‍വേ മന്ത്രിയും മുതിര്‍ന്ന രാഷ്ട്രീയ നേതാവുമായ മുകുള്‍ റോയ് അന്തരിച്ചു. കൊല്‍ക്കത്തയിലെ ആശുപത്രിയില്‍ തിങ്കളാഴ്ച പുലര്‍ച്ചെ ഒന്നരയോടെയായിരുന്നു അന്ത്യം. 71 വയസ്സായിരുന്നു. ദീര്‍ഘനാളായി വിവിധ രോഗങ്ങളാല്‍ ചികിത്സയിലായിരുന്നു.

തൃണമൂല്‍ കോണ്‍ഗ്രസ് പാര്‍ട്ടിയുടെ സ്ഥാപക അംഗങ്ങളില്‍ ഒരാളായിരുന്നു റോയ്. മമത ബാനര്‍ജിയുടെ അടുത്ത വിശ്വസ്തന്‍.  ജീവിതത്തിലും രാഷ്ട്രീയ ജീവിതത്തിലും നിരവധി ഉയര്‍ച്ച താഴ്ചകള്‍ അദ്ദേഹം നേരിട്ടു. 
് ഒരുകാലത്ത് തൃണമൂല്‍ കോണ്‍ഗ്രസിലെ രണ്ടാമനായിട്ടാണ് അദ്ദേഹം അറിയപ്പെട്ടിരുന്നത്.  2009-ല്‍ കേന്ദ്ര കപ്പല്‍ ഗതാഗത സഹമന്ത്രിയായി. 2011 മുതല്‍ 2012 വരെ റെയില്‍വേ മന്ത്രിയായും സേവനമനുഷ്ഠിച്ചു.  കൂടാതെ നഗരവികസന മന്ത്രാലയത്തിലും അദ്ദേഹം ചുമതലകള്‍ വഹിച്ചിരുന്നു.

ALSO READ: തിടുക്കം വിനയായി; കുരുക്കഴിയാതെ കരാർ; യു.എസുമായുള്ള കരാറിന്റെ നിയമസാധുത സംബന്ധിച്ചും സംശയം

രാഷ്ട്രീയത്തിലെ ചാണക്യന്‍ എന്നാണ് അദ്ദേഹത്തെ വിശേഷിപ്പിച്ചിരുന്നത്. തൃണമൂല്‍ കോണ്‍ഗ്രസിന്റെ സ്ഥാപക നേതാവുകൂടിയായ മുകുള്‍ റോയ് 2017ല്‍ ബി.ജെ.പിയിലേക്ക് കൂടു മാറിയിരുന്നു. 2019-ലെ നിയമസഭാ തെരഞ്ഞെടുപ്പില്‍ പ്രകടനം മെച്ചപ്പെടുത്താന്‍ അദ്ദേഹത്തിന്റെ ചുവട് മാറ്റം ബി.ജെ.പിയെ സഹായിച്ചു. 2020ല്‍ ബി.ജെ.പിയുടെ ദേശീയ വൈസ് പ്രസിഡന്റായി. 2021ലെ ബംഗാള്‍ നിയമസഭാ തെരഞ്ഞെടുപ്പില്‍ ബി.ജെ.പി സ്ഥാനാര്‍ഥിയായി വിജയിച്ചു. എന്നാല്‍, എം.എല്‍.എ സ്ഥാനം രാജിവയ്ക്കാതെ അദ്ദേഹം തൃണമൂല്‍ കോണ്‍ഗ്രസില്‍ തിരിച്ചെത്തി. 2011ല്‍ തൃണമൂല്‍ കോണ്‍ഗ്രസിനെ അധികാരത്തില്‍ എത്തിക്കുന്നതില്‍ മുകുള്‍ റോയ് പ്രധാനപങ്കുവഹിച്ചിട്ടുണ്ട്.

former railway minister and senior trinamool congress leader mukul roy passed away in kolkata at the age of 71 after prolonged illness. he played a key role in west bengal politics and served as union railway minister.