വാടാനപ്പള്ളി: ഇസ്‌റ സാന്ത്വനം സമിതിയുടെ ആഭിമുഖ്യത്തില്‍ ഇന്ന് മാനവ സൗഹൃദ സംഗമവും ഓണമാഘോഷിക്കുന്ന ഹൈന്ദവ സഹോദരങ്ങള്‍ക്ക് പെരുന്നാള്‍ സമ്മാനമായി ഭക്ഷ്യ കിറ്റ് വിതരണവും നടത്തും. വൈകുന്നേരം മൂന്നിന് വാടാനപ്പള്ളി ഇസ്‌റയില്‍ നടക്കുന്ന പരിപാടിയില്‍ സ്ഥലം എം.എല്‍.എ മുരളി പെരുനെല്ലി ഉദ്ഘാടനം നിര്‍വഹിക്കും.
ഗ്രാമ പഞ്ചായത്ത് പ്രസിഡന്റ് ഷിജിത് വടക്കുംചേരി, ഇസ്‌റ ചെയര്‍മാന്‍ എ.കെ അഹമ്മദ് അധ്യക്ഷനാകും. ഹുസൈന്‍ തങ്ങള്‍ വാടാനപ്പള്ളി സന്ദേശ പ്രഭാഷണം നടത്തും. സയ്യിദ് ബാദുഷ തങ്ങള്‍, സി.ഐ സെബാസ്റ്റിയന്‍, പ്രസാദ്, പി.എസ് മുഹമ്മദ് അലി, ബഷീര്‍ ഇടശ്ശേരി, മുഹിയദ്ധീന്‍ മുക്രിയകത്ത്, ഷാജുദ്ധീന്‍ ലബ്ബ, ഉസ്മാന്‍ എ.എം, ഹനീഫ ഹാജി, ആര്‍.എ ഉവൈസ് എന്നിവര്‍ സംബന്ധിക്കും.