തിരുവനന്തപുരം: ഉന്നത വിദ്യാഭ്യാസ രംഗത്ത് വീണ്ടും പ്രതികാര നടപടിയുമായി ​ഗവർണർ രാജേന്ദ്ര ആർലേക്കർ. കാലടി സംസ്കൃത സർവകലാശാലയുടെ വൈസ് ചാൻസലറെ സ്ഥാനത്ത് നിന്ന് മാറ്റി പകരം ചുമതല നൽകി. വിസി ആയിരുന്ന ഡോ. കെ.കെ ​ഗീതാകുമാരിയെയാണ് മാറ്റിയത്. സാങ്കേതിക സർവകലാശാല വിസി ഡോ.സിസ തോമസിന് സംസ്കൃത സർവകലാശാലയുടെ ചുമതല നൽകി. 

കാലടി സംസ്കൃത സർവകലാശാല സിൻഡിക്കേറ്റ് തീരുമാനം നടപ്പിലാക്കരുതെന്ന ​ഗവർണറുടെ ആവശ്യം വിസി തള്ളിയിരുന്നു. ബിഎഫ്എ വിദ്യാർഥികളെ പാസാക്കുന്നതുമായി ബന്ധപ്പെട്ട സിൻഡിക്കേറ്റ് തീരുമാനം നടപ്പിലാക്കരുതെന്നായിരുന്നു  ​ചാൻസലറായ ഗവർണറുടെ ആവശ്യം. ഗവർണർ ഇത് സംബന്ധിച്ച് വിസിക്ക് കത്ത് നൽകിയിരുന്നു. എന്നാൽ ആ കത്ത് പരി​ഗണിക്കേണ്ടതില്ല എന്ന് വിസി ഡോ. കെ.കെ ​ഗീതാകുമാരി തീരുമാനിച്ചതാണ് ഗവർണറെ പ്രകോപിപ്പിച്ചതെന്നാണ് സൂചന. 

ALSO READ: In - Depth: 'സ്‌മൈലിംഗ് ബുദ്ധ': അമേരിക്കയെ അടക്കം നോക്ക് കുത്തിയാക്കി കൊണ്ട് പൊഖ്‌റാനില്‍ ഇന്ത്യ നടത്തിയ ആണവ പരീക്ഷണം

നേരത്തെ, അധ്യാപക നിയമനവുമായി ബന്ധപ്പെട്ട വിഷയങ്ങളിലും ​ഗവർണർ-വിസി തർക്കമുണ്ടായിരുന്നു.