ന്യൂഡൽഹി: ഹരിയാനയിലെ ഗുരുഗ്രാമിൽ അനധികൃതമായി താമസിച്ചിരുന്ന 13 ബംഗ്ലാദേശി പൗരന്മാരെ ക്രൈംബ്രാഞ്ച് അറസ്റ്റ് ചെയ്തു. രഹസ്യാന്വേഷണ വിഭാഗത്തിന് ലഭിച്ച റിപ്പോർട്ടിന്റെ അടിസ്ഥാനത്തിൽ നടത്തിയ പരിശോധനയിലാണ് ഇവരെ കണ്ടെത്തിയത്.

ദിവസവേതന തൊഴിലാളികളായി ജോലി ചെയ്തുവരികയായിരുന്ന ഇവർക്ക് ഇന്ത്യയിൽ നിയമപരമായി താമസിക്കുന്നതിനുള്ള രേഖകൾ ഹാജരാക്കാൻ കഴിഞ്ഞില്ലെന്ന് അധികൃതർ അറിയിച്ചു. പരിശോധനയ്ക്കിടെ ഇവരുടെ പക്കൽ നിന്ന് ബംഗ്ലാദേശ് പൗരത്വം തെളിയിക്കുന്ന രേഖകളും കണ്ടെത്തി.

ALSO READ: കോഴിക്കോട് വീണ്ടും മലേറിയ; ഇരിങ്ങല്ലൂര്‍ സ്വദേശിയായ 62 കാരന് രോഗം സ്ഥിരീകരിച്ചു 

തുടർന്ന് നടത്തിയ ചോദ്യം ചെയ്യലിൽ അന്തർദേശീയ ഏജന്റുമാരുടെ സഹായത്തോടെയാണ് അനധികൃതമായി ഇന്ത്യയിലേക്ക് കടന്നതെന്ന് ഇവർ സമ്മതിച്ചതായി അന്വേഷണ ഉദ്യോഗസ്ഥർ വ്യക്തമാക്കി.

അറസ്റ്റിലായവർക്കെതിരേ നിയമനടപടികൾ ആരംഭിച്ചിട്ടുണ്ടെന്നും ഇവരെ ബംഗ്ലാദേശിലേക്ക് നാടുകടത്തുന്നതിനുള്ള നടപടികൾ പുരോഗമിക്കുകയാണെന്നും അധികൃതർ അറിയിച്ചു.

അനധികൃത കുടിയേറ്റം തടയുന്നതിനായി മേഖലയിൽ പരിശോധനയും നിരീക്ഷണവും ശക്തമാക്കിയിട്ടുണ്ടെന്നും സുരക്ഷാ ഏജൻസികൾ വ്യക്തമാക്കി.

The Crime Branch arrested 13 Bangladeshi nationals who were staying illegally in Gurugram, Haryana. They were found during an inspection conducted based on a report received by the intelligence department.