മാനന്തവാടി: വയനാട് ബാഫഖി ഹോമിന്റെ പ്രവര്‍ത്തന ഫണ്ട് സ്വരൂപിക്കുന്നതിനായി ബലപെരുന്നാള്‍ ദിനത്തില്‍ വിവിധ പള്ളികളില്‍ ഇന്ന് ക്യാംപയിന്‍  നടക്കും. ബലിപെരുന്നാള്‍ ക്യാംപയിന്റെ സമാപന പ്രാര്‍ഥന സംഗമം ഈമാസം 16ന് വൈകുന്നേരം നാലിന് ബാഫഖി ഹോമില്‍ ചേരും. ചേലക്കാട് മുഹമ്മദ് മുസ്‌ലിയാര്‍, സമസ്ത മുഷാവറ അംഗം കെ.ടി ഹംസ മുസ്‌ലിയാര്‍ എന്നിവര്‍ പ്രാര്‍ഥനാ സംഗമത്തിന് നേത്യത്വം നല്‍കും. കെ ഇസ്മായില്‍ ദാരിമി, ആസിഫ് വാഫി റിപ്പണ്‍ പ്രഭാഷണം നടത്തും.
ഇതു സംബന്ധിച്ച് ചേര്‍ന്ന യോഗത്തില്‍ ഡബ്ല്യു.എം.ഒ പ്രസിഡന്റ് കെ.കെ അഹമ്മദ് ഹാജി അധ്യക്ഷനായി. ജനറല്‍ സെക്രട്ടറി എം.എ മുഹമ്മദ് ജമാല്‍ ഉദ്ഘാടനം ചെയ്തു.
ജോയിന്റ് സെക്രട്ടറി മായന്‍ മണിമ പ്രവര്‍ത്തന രൂപരേഖ അവതരിപ്പിച്ചു.
കണ്‍വീനര്‍ എം.കെ അബൂബക്കര്‍ ഹാജി, പി.വി.എസ് മൂസ, അണിയാരത്ത് മമ്മൂട്ടി ഹാജി, വി അസൈനാര്‍ ഹാജി, പടയന്‍ മുഹമ്മദ്, പി മമ്മു ഹാജി, അഷ്‌റഫ് പേരിയ, പിലാക്കണ്ടി ഇബ്‌റാഹിം ഹാജി, പി.സി ആലിക്കുട്ടി ഹാജി, ചയപ്പേരി മെയ്തു ഹാജി സംസാരിച്ചു.