തൊടുപുഴ:   കെ.പി.എം.എസ് ജില്ലാ കമ്മിറ്റിയുടെ ആഭിമുഖ്യത്തില്‍ ജില്ലയില്‍ വിവിധ കേന്ദ്രങ്ങളില്‍ 15ന് അയ്യന്‍കാളി ജന്മദിനാഘോഷം സംഘടിപ്പിക്കും.
ആഘോഷത്തിന്റെ ഭാഗമായി ജില്ലയിലെ കെ.പി.എം.എസ് ശാഖകളില്‍ അനുസ്മരണസമ്മേളനങ്ങള്‍ ചേര്‍ന്ന് മധുപലഹാരങ്ങള്‍ വിതരണം ചെയ്യും.
തൊടുപുഴ മുനിസിപ്പല്‍ മൈതാനിയില്‍ ജില്ലാതല ആഘോഷത്തിന് തുടക്കം കുറിച്ച് രാവിലെ ഒന്‍പതിന് മാങ്കുളം രവീന്ദ്രന്‍ പതാകയുയര്‍ത്തും.
 ഉച്ചകഴിഞ്ഞ് മൂന്നിന് ജില്ലാതല ഘോഷയാത്രയും തൊടുപുഴയില്‍ നടത്തും. പാലാ റോഡില്‍ കോതായിക്കുന്ന് ബൈപാസ് ജങ്ഷനില്‍നിന്ന് ഘോഷയാത്ര ആരംഭിക്കും.
 മുനിസിപ്പല്‍ മൈതാനിയില്‍ ചേരുന്ന പൊതുസമ്മേളനം അഡ്വ. ജോയ്‌സ് ജോര്‍ജ് എംപി ഉദ്ഘാടനം ചെയ്യും. തുടര്‍ന്ന് കലാപരിപാടികളും നടക്കും.