തിരുവനന്തപുരം: തിരുവനന്തപുരം റെയിൽവേ ഡിവിഷനിൽ നടപ്പാക്കുന്ന അറ്റകുറ്റപ്പണികളെത്തുടർന്ന് ഈ മാസം ട്രെയിൻ സർവിസുകളിൽ നിയന്ത്രണങ്ങൾ ഏർപ്പെടുത്തി. വിവിധ സർവിസുകൾ ഭാഗികമായി റദ്ദാക്കുകയും ചില ട്രെയിനുകൾ വഴിതിരിച്ചുവിടുകയും ചെയ്യുമെന്ന് റെയിൽവേ അറിയിച്ചു.

ഭാഗികമായി റദ്ദാക്കിയ ട്രെയിനുകൾ

1) ചെന്നൈ സെൻട്രൽ - തിരുവനന്തപുരം സൂപ്പർഫാസ്റ്റ് (12695): മാർച്ച് 13-ന് ചെന്നൈയിൽ നിന്ന് പുറപ്പെടുന്ന ട്രെയിൻ കോട്ടയത്ത് യാത്ര അവസാനിപ്പിക്കും. കോട്ടയം മുതൽ തിരുവനന്തപുരം വരെയുള്ള സർവിസ് റദ്ദാക്കി.

2) തിരുവനന്തപുരം - ചെന്നൈ സെൻട്രൽ സൂപ്പർഫാസ്റ്റ് (12696): മാർച്ച് 14-ന് തിരുവനന്തപുരത്ത് നിന്നുള്ള സർവിസ് രാത്രി 08.05-ന് കോട്ടയത്ത് നിന്നായിരിക്കും ആരംഭിക്കുക.  

3) ചെന്നൈ എഗ്മൂർ - ഗുരുവായൂർ എക്സ്പ്രസ് (16127): മാർച്ച് 12-ന് പുറപ്പെടുന്ന ട്രെയിൻ നാഗർകോവിൽ ടൗണിൽ യാത്ര അവസാനിപ്പിക്കും. നാഗർകോവിൽ മുതൽ ഗുരുവായൂർ വരെയുള്ള സർവിസ് ഉണ്ടായിരിക്കില്ല.

ALSO READ: കടകംപള്ളി സുരേന്ദ്രൻ എനിക്കെതിരെ ഗൂഢാലോചന നടത്തി; പരാതിയുമായി ഉണ്ണികൃഷ്ണൻ പോറ്റി  

4) ഗുരുവായൂർ - ചെന്നൈ എഗ്മൂർ എക്സ്പ്രസ് (16128): മാർച്ച് 13-ന് ഗുരുവായൂരിൽ നിന്നുള്ള സർവിസ് നാഗർകോവിൽ വരെ റദ്ദാക്കി. ട്രെയിൻ രാവിലെ 06.33-ന് നാഗർകോവിൽ ടൗണിൽ നിന്ന് ചെന്നൈയിലേക്ക് തിരിക്കും.

വഴിതിരിച്ചുവിടുന്ന ട്രെയിനുകൾ

1) തിരുവനന്തപുരം - ചെന്നൈ സെൻട്രൽ മെയിൽ (12624): മാർച്ച് 14-ന് പുറപ്പെടുന്ന ഈ ട്രെയിൻ കോട്ടയം റൂട്ടിന് പകരം ആലപ്പുഴ വഴിതിരിച്ചുവിടും. ഇതിന്റെ ഭാ​ഗമായി, മാവേലിക്കര, ചെങ്ങന്നൂർ, തിരുവല്ല, ചങ്ങനാശേരി, കോട്ടയം, തൃപ്പൂണിത്തുറ സ്റ്റോപ്പുകൾ ഒഴിവാക്കിയിട്ടുണ്ട്. പകരം ആലപ്പുഴ, ചേർത്തല, എറണാകുളം ജംക്ഷൻ എന്നിവിടങ്ങളിൽ അധിക സ്റ്റോപുകൾ അനുവദിച്ചു. 

2) കന്യാകുമാരി - ദിബ്രുഗഡ് വിവേക് എക്സ്പ്രസ് (22503): മാർച്ച് 14-ന് പുറപ്പെടുന്ന ഈ ട്രെയിൻ ആലപ്പുഴ വഴി തിരിച്ചുവിടും. ഇതിന്റെ ഭാ​ഗമായി ചെങ്ങന്നൂർ, കോട്ടയം സ്റ്റോപ്പുകൾ ഒഴിവാക്കി കായംകുളം, ആലപ്പുഴ, എറണാകുളം ജംക്ഷൻ എന്നിവിടങ്ങളിൽ അധിക സ്റ്റോപ് അനുവദിച്ചിട്ടുണ്ട്.  

The Southern Railway has announced significant changes to train schedules under the Thiruvananthapuram Division due to essential maintenance work scheduled for this month. Several key services, including the Chennai-bound Superfast Express and the Vivek Express, will be affected by partial cancellations and route diversions.