ഇടുക്കി: മുന്‍ മന്ത്രി ജി സുധാകരന്റെ പാര്‍ട്ടി വിടാനുള്ള തീരുമാനത്തോട് പ്രതികരിച്ച് എം.എം മണി. പിതാവിനെ വിളിച്ച് അസഭ്യം പറയുന്ന സംസ്‌കാരം സി.പി.എമ്മിനില്ല. സുധാകരന്‍ മത്സരിക്കുന്നതും മത്സരിക്കാത്തതും അദ്ദേഹത്തിന്റെ വ്യക്തിപരമായ കാര്യമാണ്. ഇതിനു മുന്‍പും പലരും പാര്‍ട്ടി വിട്ടുപോയി. പലരേയും പാര്‍ട്ടി പുറത്താക്കിയിട്ടുണ്ട്. എന്നിട്ടും പ്രസ്ഥാനം എന്നും കരുത്തോടെ മുന്നോട്ടുപോയിട്ടുണ്ടെന്നും അദ്ദേഹം ഓര്‍മിപ്പിച്ചു. 

സുധാകരന്‍ പാര്‍ട്ടി വിട്ടുപോകുന്നെങ്കില്‍ പോകട്ടെയെന്നും ആരെയും പാര്‍ട്ടിക്കുള്ളില്‍ 'അയ്യോ മോനെ പോകല്ലേ' എന്ന് പറഞ്ഞ് കെട്ടിയിട്ടിട്ടില്ലെന്നും മണി പറഞ്ഞു. പാര്‍ട്ടിക്കുള്ളില്‍ നില്‍ക്കുമ്പോഴാണ് തനിക്കും സുധാകരനും ഒക്കെ വിലയുള്ളതെന്നും പാര്‍ട്ടിക്ക് പുറത്തായാല്‍ എല്ലാവരും ഒരുപോലെയാണെന്നും മണി പറഞ്ഞു. 

ALSO READ: അമ്പലപ്പുഴയില്‍ സ്വതന്ത്ര സ്ഥാനാര്‍ഥിയായി മത്സരിക്കും; സ്ഥാനാര്‍ഥിത്വം പ്രഖ്യാപിച്ച് ജി സുധാകരന്‍

അതേസമയം, എം.എം മണി 'ഇടുക്കിയിലെ ശൂ' എന്നായിരുന്നു ജി സുധാകരന്റെ പരിഹാസം. തന്നെ അപമാനിക്കുന്നവര്‍ക്ക് കാലം മറുപടി നല്‍കുമെന്നും അദ്ദേഹം കൂട്ടിച്ചേര്‍ത്തു. 

വരുന്ന നിയമസഭാ തെരഞ്ഞെടുപ്പില്‍ അമ്പലപ്പുഴയില്‍ മത്സരിക്കുമെന്ന് ഇന്ന് നടത്തിയ വാര്‍ത്താ സമ്മേളനത്തില്‍ ജി. സുധാകരന്‍ വ്യക്തമാക്കിയിരുന്നു. സ്വതന്ത്രസ്ഥാനാര്‍ഥിയായാണ് മത്സരിക്കുക. ആരുടേയും പിന്തുണ തേടില്ലെന്നും അദ്ദേഹം പറഞ്ഞു.

M. M. Mani said that leaders gain importance only when they remain within the party, and that their influence diminishes once they leave the movement. The senior leader of the Communist Party of India (Marxist) made the remark while responding to political developments and internal debates.